આપણા દેશમાં સ્ટન્ટ યુવાનોના માથા પર ચઢીને બોલે છે, જેના કારણે ઘણા ખતરનાક યુવાનો રસ્તા પર પોતાનુ વાહન ચલાવતા દેખાય છે.
એક સ્કૂટર પર બેસીને બેફામ રીતે જઇ રહ્યાં છે 6 યુવાનો
બેદરકાર યુવાનોએ ટ્રાફિક નિયમોના લીરેલીરા ઉડાડ્યા
આ મામલે મુંબઈ ટ્રાફિક પોલીસે કાર્યવાહી શરૂ કરી
ટ્રાફિક નિયમોના ઉડાડ્યા ધજાગરા
સ્ટન્ટને કારણે મોટાભાગના યુવાનો ટ્રાફિક નિયમોનું પાલન કરતા નથી. જેની જાણકારી મળતા ઘણી વખત પોલીસે તેના પર કડક કાર્યવાહી કરી છે. અત્યારે મહારાષ્ટ્રની મુંબઈ ટ્રાફિક પોલીસ નિયમોને લઇને કડક છે અને સોશિયલ મીડિયામાં મળતી આવી કોઈ ઘટના પર તાત્કાલિક એક્શન લેતા દેખાય છે. હાલમાં જ આવો એક મામલો જોવા મળ્યો છે, જ્યારે મુંબઈના રસ્તા પર અમુક બેદરકાર યુવાનો ટ્રાફિક નિયમોના ધજાગરા ઉડાડતા જોઈ શકાય છે. જેને લઇને મુંબઈ પોલીસે કાર્યવાહી શરૂ કરી દીધી છે.
— Ramandeep Singh Hora (@HoraRamandeep) May 22, 2022
સંકોચ વગર 6 યુવાનો એક સ્કૂટર પર ફરી રહ્યાં છે
સોશિયલ મીડિયામાં રમનદીપ સિંહ હોરાએ એક વીડિયો ટ્વિટ કર્યો હતો. જેમાં 6 યુવાનો ખતરનાક રીતે એક સ્કૂટર પર બેઠેલા દેખાય છે. જે મુંબઈના રસ્તા પર મુક્તપણે ફરી રહ્યાં છે. જેને કારણે ક્યારેય પણ કોઈ મોટી દુર્ઘટના ઘટી શકતી હતી. આ વીડિયો અંધેરી વેસ્ટમાં સ્ટાર બજાર પાસેનો છે. વીડિયોને સોશિયલ મીડિયામાં વાયરલ થતાં થોડી પણ વાર લાગી નથી. અને આ મુંબઈ પોલીસ સુધી પહોંચી ગયો. હાલમાં મુંબઈ ટ્રાફિક પોલીસે તપાસ શરૂ કરી છે.