માયા નગરી મુંબઈ શહેરમાં અમુક વિસ્તારોમાં સોમવારે મેઘરાજાએ હાજરી આપી હતી. અચાનક આવેલાં વરસાદને લીધે મુંબઈગરા ભીના થવુ પડયું હતું. ચોમાસા પહેલાંના ઝાપટામાં મુંબઈના રસ્તા પર ટ્રાફિક જામની પરિસ્થિતિ સર્જાઈ હતી. ત્યારે રસ્તા પર ટ્રાફિક મેનેજ કરી રહેલાં એક ટ્રાફિક પોલીસનો વીડિયો સોશ્યિલ મીડિયા પર વાયરલ થયો છે.
આ વીડિયોમાં એક ટ્રાફિક પોલીસ ભર વરસાદે અંદાજે અઢી કલાક ઉભા રહીને ટ્રાફિક મેનેજ કરતાં જોવા મળ્યો હતો. આ વીડિંયો એક પ્રવાસીઓ પોતાનો મોબાઈલમાં રેકોર્ડ કર્યો હતો. 47 વર્ષના ટ્રાફિક પોલીસ નંદકુમાર ઇંગળે કાંદિવલી પૂર્વમાં આકુર્લી વિસ્તારમાં ડયુટી પર હતો. અચાનક મુશળધાર વરસાદ આવતાં ટ્રાફિક જામ થયો હતો. પવનનો વેગ એટલો હતો કે સ્કાયવોક નીચે રાખવામાં આવેલાં બેરિકેડસ પણ આગળ ધકેલાઈ ગંયા હતા.
આ પરિસ્થિતિમાં નંદકુમાર ઇંગળે આટલા વરસાદમાં ટ્રાફિક પર નિયંત્રણ મેળવવા અને પ્રવાસીઓને રસ્તો દાખવવાનુ કામ કરી રહ્યો હતો. ટ્રાફિક પોલીસની ડયુટી રાતના સાડા નવ વાગ્યે પૂરી થઈ રહી હતી પણ પરિસ્થિતિને જોઈને તેણે સાડા અગિયાર વાગ્યા સુધી ડયુટી કરી હતી અને બીજે દિવસે ડયુટી પર હાજર પણ થયા હતા.
નંદકુમાર ઇંગળેએ જણાવ્યું હતું કે મારા પાસે રેન કોટ પહેરવા માટે સમય નહોતો. મારુ પાકીટ અને મોબાઈલ વોર્ડનને આપ્યો હતો. આકુર્લી રોડ પર તે વખતે ખૂબ જ વાહનો હતા. જેના લીધે હું ત્યાંથી કયાંય ગયો હોય તો પરિસ્થિતિ ખરાબ થઈ જાત. સોમવારની ઘટના બાદ મંગળવારે ટ્રાફિક પોલીસનો વીડિયો સોશ્યિલ મીડિયા પર ખવાયરલથયો હતો. કોન્સ્ટેબલ પોતે સોશ્યિલ મીડિયા પર એક્ટિવ ન હોવાતી તેને આ બાબતે ખ્યાલ આવ્યો નહીં. પરંતુ વીડિયો નાગરિકોએ જોતાં ટ્રાફિક પોલીસની પ્રશંસા કરી હતી.