પીએમ મોદીના ડ્રીમ પ્રોજેક્ટ એવા હાઈસ્પીડ રેલ બુલેટ ટ્રેન પર કામ કરવામાં આવી રહ્યું છે ત્યારે આ ટ્રેનનો ફર્સ્ટ લૂક સામે આવી ગયો છે.
અમદાવાદ-મુંબઈ વચ્ચે હાઈસ્પીડ રેલ પ્રોજેક્ટ
જાપાનના દૂતાવાસ તરફથી જાહેર કરવામાં આવી તસવીર
અમદાવાદ અને મુંબઈ વચ્ચે માત્ર 2 કલાક જનું રહી જશે અંતર
ભારત સ્થિત જાપાની હાઈકમિશન દ્વારા E5 Series Shinkansenની તસવીરો જાહેર કરવામાં આવી છે. આ ટ્રેન તસવીરોમાં ખૂબ સારી દેખાઈ રહી છે અને સોશ્યલ મીડિયામાં તે વાયરલ પણ થઇ રહી છે. મુંબઈ-અમદાવાદ બુલેટ ટ્રેન પરિયોજનાને વર્ષ 2023-24 સુધી સંપૂર્ણ કરવાનો લક્ષ્યાંક રાખવામાં આવ્યો છે
જાપાનની આ ટ્રેનને મોડીફાઈ કરીને મુંબઈ-અમદાવાદ હાઈ સ્પીડ રેલ પ્રોજેક્ટ પર બુલેટ ટ્રેનના રૂપમાં ચલાવવામાં આવશે. નરેન્દ્ર મોદી સરકાર માટે આ પ્રોજેક્ટ ખૂબ મહત્વનો છે કારણ કે પીએમ મોદીનો આ ડ્રીમ પ્રોજેક્ટ માનવામાં આવે છે. અમદાવાદથી મુંબઈ 508 કિમી દૂર છે જે આ ટ્રેન 300 કિમી/કલાકની ઝડપે કાપશે.
મુંબઈથી અમદાવાદ વચ્ચે હાઈસ્પીડ રેલ કોરિડોર બનાવવામાં અવી રહ્યો છે અને તે પાછળ અંદાજે એક લાખ કરોડ રૂપિયાનો ખર્ચ આવશે. અત્યારે જે અંદાજ છે તે અનુસાર આ ટ્રેન આવી જવાના કારણેઅમદાવાદ અને મુંબઈ વચ્ચેનું અંતર માત્ર બે જ કલાકનું રહી જશે.
રેલ મંત્રીએ જૂનમાં રાજયસભામાં જણાવ્યું હતું કે જે સ્પીડ રેલ માટે અમદાવાદમાં કામ કરવામાં આવી રહ્યું છે તેને વર્ષ 2023માં પૂરી કરવા માટેના લક્ષ્યાંકને મંજૂરી આપી દેવામાં આવી છે.
નોંધનીય છે કે આ પ્રોજેક્ટની સામે ઘણા બધી અડચણો પણ આવી રહી છે. મહારાષ્ટ્રનાં મુખ્યમંત્રી ઉદ્ધવ ઠાકરેએ આ પ્રોજેક્ટમાં સમીક્ષાનાં આદેશ આપી દીધા છે. ઘણા બધા આદિવાસી અને ખેડૂતો કહી રહ્યા છે તેમની જમીન લેવામાં આવી રહી છે.