વોશિગ્ટનઃ મુંબઈમાં 26-11ના આતંકી હુમલાનો આરોપી ડેવીડ હેડલી પર અમેરિકાની શિકાગોની જેલમાં જીવલેણ હુમલો થયો હતો. જેથી તેને સારવાર માટે હોસ્પિટલ ખસેડવામાં આવ્યો છે. જ્યાં તેની હાલત હાલ ગંભીર છે અને મોત સામે લડી રહ્યો છે. જેલમાં જ બે કેદીઓએ હેડલી પર ગત 8મી જુલાઈએ હુમલો થયો હતો.
મીડિયા રિપોર્ટ્સ અનુસાર ડેવિડ હેડલી પર શિકાગો જેલમાં બે ભાઇઓએ હુમલ કર્યો. બન્નેને પોલીસકર્મચારીઓ પર હુમલાના આરોપમાં તેની ધરપકડ કરવામાં આવી હતી.
અમેરિકી નાગરિક હેડલી પાકિસ્તાનની ગુપ્ત એજન્સી આઇએસઆઇની સાથે કામ કરતો હતો અને 28/11 મુંબઇ હુમલાનો માસ્ટર માઇન્ડ રહી ચૂક્યો છે. 24 જાન્યુઆરી 2013માં અમેરિકાની કોર્ટે તેને દોષિ ઠેરવ્યો હતો. મુંબઇ હુમલામાં સામેલ હોવાને લઇને 35 વર્ષની જેલ થઇ. હેડલીનું સાચુ નામ દાઉદ સૈયદ ગિલાની છે. અમેરિકાના વોશિંગ્ટનમાં જન્મ થયો હતો. તેના પિતા સૈયદ સલીમ ગિલાની પૂર્વ પાકિસ્તાની રાજકીય નેતા હતા.
ઉલ્લેખનીય છે કે અમેરિકી નાગરિક હેડલી પાકિસ્તાનની ગુપ્તચર એજન્સી ISIની સાથે કામ કરતો હતો અને 26-11ના રોજ મુંબઈમાં થયેલા હુમલાનો આરોપી છે. ઉપરાંત હેડલી લશ્કર-એ-તૈયબાના અંડરકવર એજન્ટ તરીકે પણ કામ કરતો હતો.