ના હોય! / ક્રિકેટના ઈતિહાસમાં અનોખી મૅચ, 4 જ બોલમાં ટીમ જીતી ગઈ

• વિમેન્સ સિનિયર વનડેમાં સર્જાયો અનોખો રેકોર્ડ 
• નાગાલેન્ડની ટીમ ફક્ત 17 રનમાં ઓલઆઉટ
• 4 બોલમાં મુંબઇની ટીમ ફટકાર્યા 18 રન

ઉલ્લેખનીય છે કે, આવી જ એક મેચ વિમેન્સ ક્રિકેટમાં ચાલી રહેલી સિનિયર વન ડે ટ્રોફીમાં રમવામાં આવી હતી જ્યાં મુંબઈની ટીમે નાગાલેન્ડને ફક્ત 17 રનમાં ઓલઆઉટ કર્યું હતું અને ફક્ત 4 બોલમાં 18 રનનો લક્ષ્યાંક હાંસલ કર્યો હતો.

17 રનમાં ટીમ ઓલઆઉટ

વિમેન્સ સિનિયર વનડે ટ્રોફીમાં મુંબઇ અને નાગાલેન્ડની ટીમ વચ્ચે રમાઇ હતી. જ્યાં નાગાલેન્ડની ટીમે ટોસ જીતીને પહેલા બેટિંગ કરવાનો નિર્ણય લીધો હતો, પરંતુ ટીમનો આ નિર્ણય સંપૂર્ણપણે ખોટો સાબિત થયો હતો. સયાલી સાતઘરેની ઘાતક બોલિંગની સામે નાગાલેન્ડના બેટ્સમેન એક પછી એક પેવેલિયન પરત ફર્યા હતા અને ટીમ માત્ર 17 રનમાં ઓલઆઉટ થઈ ગઈ હતી. ટીમ માટે સરિબાએ સૌથી વધુ 9 રન બનાવ્યા હતા. સયાલીએ તેની બોલિંગથી કહેર વરસાવીને 8.4 ઓવરમાં 7 રન આપીને 5 બેટ્સમેનને આઉટ કર્યા હતા.

4 બોલમાં 18 રન ફટકાર્યા 

18 રનના લક્ષ્યાંકનો પીછો કરતાં મુંબઈની ટીમે ફક્ત ચાર બોલમાં આ લક્ષ્યાંક હાંસલ કર્યો હતો. ટીમના ઓપનર ઈશા ઓજા અને વૃષાલી ભગત 296 બોલ બાકી રહ્યા બાદ માત્ર ચાર બોલમાં ટીમને વિજય અપાવ્યો. બંનેએ ખૂબ જ સરળતા સાથે ત્રણ ચોગ્ગા અને એક છગ્ગાની મદદથી 18 રન બનાવ્યા. ખાતા ખોલાવ્યા વિના છ બેટ્સમેન નાગાલેન્ડના પેવેલિયન પરત ફર્યા હતા. ટીમનો કોઈ પણ બેટ્સમેન બે આંકડા સુધી પહોંચી શક્યો નહીં.