ડ્રગ્સ પાર્ટી કેસ / મહેબૂબા મુફ્તીના ભાજપ પર પ્રહાર, શાહરૂખના દીકરા આર્યનને એટલા માટે નિશાન બનાવાયો કારણ કે...

• મહેબૂબા મુફ્તીના ભાજપ પર પ્રહાર
• ખાન છે એટલા માટે શાહરૂખના દીકરા આર્યનને બનાવાયો નિશાન
• આર્યન ખાનની ડ્રગ્સ પાર્ટી કેસમાં કરાઇ હતી ધરપકડ

પીપુલ્સ ડેમોક્રેકિટકના અધ્યક્ષ મહેબૂબા મુફ્તીએ સોમવારે આરોપ લગાવ્યો કે બૉલીવુડ સ્ટાર શાહરૂખ ખાનના દીકરા આર્યન ખાનને માત્ર તેમના ઉપનામના કારણે કેન્દ્રીય એજન્સીઓ દ્વારા નિશાન બનાવવામાં આવી રહ્યો છે. મુફ્તીએ દાવો કર્યો કે ભાજપના કોર મતદારોને ખુશ કરવા માટે મુસ્લિમોને નિશાન બનાવવામાં આવી રહ્યા છે. 

મહેબૂબાએ ટ્વિટ કરીને લખ્યું કે, 4 ખેડૂતોની હત્યાના આરોપી કેન્દ્રીય મંત્રીના દીકરા મામલે ઉદાહરણ રજૂ કરવાના બદલે કેન્દ્રીય એજન્સીઓ 23 વર્ષના દીકરાની પાછળ પડી છે, માત્ર એટલા માટે કે તેમનું ઉપનામ ખાન છે. ન્યાયતંત્રની મજાક છે કે ભાજપ કોર મતદારોને ખુશ કરવા માટે મુસ્લિમોને નિશાન બનાવી રહ્યું છે. 

મુફ્તી કેન્દ્રીય ગૃહ રાજ્ય મંત્રી અજય મિશ્રાના પુત્ર આશીષ મિશ્રાનો સંદર્ભ આપી રહી હતી જેના પર ઉત્તરપ્રદેશના લખીમપુર ખીરી જીલ્લામાં ખેડૂતોને કચડવાનો આરોપ છે.

તમને જણાવી દઇએ કે, આર્યન ખાનની જામીન અરજી પર વિશેષ કોર્ટે NCBને સોમવારે 13 ઓક્ટોબર સુધીમાં જવાબ દાખલ કરવા કહ્યું. વિશેષ જસ્ટીસ વી.વી.  પાટિલ NDPS અધિનિયમ હેઠળ સંબંધિત કેસ પર સુનાવણી કરી રહ્યા હતા. આગામી સુનાવણી 13 ઓક્ટોબરે થશે.

NCBએ મુંબઈથી ગોવા જઇ રહેલા કૉર્ડેલિયા ક્રૂઝ પર દરોડા બાદ 3 ઓક્ટોબરે આર્યન ખાનની ધરપકડ કરી હતી. ત્યાં તેઓ મુંબઈમાં આર્થર રોડ જેલમાં બંધ છે.