મુંબઈ / પ્રેમિકાને મારીને કટકા કૂતરાને ખવડાવનાર હેવાનના નાટક ચાલું, ગોથે ચઢી જવાય તેવું બોલ્યો, પડોશીઓએ ખોલ્યો ભેદ

• મુંબઈમાં 56 વર્ષીય પ્રેમીએ પ્રેમિકાની હત્યા બાદ કટકા કરીને કૂતરાને ખવડાવ્યાં
• આરોપી મનોજ સાહે હવે નાટક રચ્યું
• કહ્યું સરસ્વતીએ ઝેર ખાઈને આત્મહત્યા કરી હતી
• મારી જાતને બચાવવા માટે ટુકડા કર્યાં 

મુંબઈના મીરા રોડ પર 32 વર્ષીય પ્રેમિકા સરસ્વતીની હત્યા કરીને ટુકડા કરી નાખનાર હેવાન મનોજ સાહે તો નાટકીયો નીકળ્યો. તેણે હવે પોલીસને ખોટા માર્ગે ચઢાવવાનું શરુ કરી દીધું છે. પોલીસ દ્વારા ધરપકડ થયા બાદ પૂછપરછમાં આરોપી મનોજ એવું બોલ્યો કે તેણે  હત્યા કરી નહોતી પરંતુ સરસ્વતીએ ઝેર ખાઈને આત્મહત્યા કરી હતી અને પોતાની જાતને બચાવવા માટે તેણે લાશનો નિકાલ કરવા માટે ટુકડા કરીને કૂતરાએ ખવડાવ્યાં હતા. 

પકડમાં આવતાં જ પોલીસને આડે પાટે ચઢાવવાનું શરુ કર્યું 

આરોપી મનોજ સાહની પોલીસની પકડમાં આવતાં જ પોલીસને આડે પાટે ચઢાવવાનું શરુ કર્યું હતું. પૂછપરછમાં આરોપી બોલ્યો કે મેં હત્યા કરી નથી પરંતુ સરસ્વતીએ ઝેર ખાઈને આપઘાત કર્યો છે અને મારુ નામ ન આવે એટલે મેં લાશના ટુકડા કરીને ફેંક્યાં. 

#WATCH | 32-year-old woman killed by her 56-year-old live-in partner in Thane, Maharashtra | Police brought accused Manoj Sane out of the Police Station to produce him before the Court. He has been produced before Mira-Bhayandar Court. pic.twitter.com/eOaWspVUbi

— ANI (@ANI) June 8, 2023

દુર્ગંધ આવતા પડોશીઓએ પોલીસને જાણ કરી  
મુંબઈમાં એક શખ્સે તેની લીવ ઈન પાર્ટનરની જે રીતે હત્યા કરીને લાશ સાથે હેવાનિયત આચરી છે તેનાથી આખા દેશમાં સનસની મચી છે. મુંબઈના મીરા રોડ પરના ગીતા નગરના આકાશદીપ બિલ્ડિંગમાં રહેતા 56 વર્ષીય શખ્સ મનોજ સહાનીએ તેની 35 વર્ષની પ્રેમિકા સરસ્વતીની ગળું કાપીને હત્યા કરી હતી અને ત્યારબાદ કરવતથી તેના ટુકડા કરી નાખ્યા હતા. એટલું જ નહીં આ ટુકડાઓને કૂકરમાં ઉકાળીને કૂતરાઓને ખવડાવી રહ્યો હતો. પોલીસે જણાવ્યું હતું કે બુધવારે સાંજે તેને ફ્લેટમાંથી દુર્ગંધ આવવાની ફરિયાદ પડોશીઓ તરફથી મળી હતી. જ્યારે તે ઘટના સ્થળે ગઈ ત્યારે તેણે ફ્લેટનો ગેટ ખોલ્યો.

VIDEO | "The local police received information of a foul smell emanating from a flat. After the lock was broken, police found chopped pieces of a body in utensils and buckets. The accused has been arrested," says Mumbai DCP Jayant Bajbale on murder of a woman by her live-in… pic.twitter.com/YUTT8n32aQ

— Press Trust of India (@PTI_News) June 8, 2023

લાશના ટુકડા કરીને શ્વાનને ખવડાવ્યાં, બાકીના પોલીસને મળ્યાં 
જ્યારે આરોપી મનોજ સાહનીએ દરવાજો ખોલ્યો તો તે ભાગવા લાગ્યો. પોલીસે તેને પકડ્યો અને પછી અંદર જોયું તો લાશ મળી. પોલીસનું કહેવું છે કે હત્યા સંભવત 4 જૂને થઈ હતી અને તે પછી મનોજ લાશનો નિકાલ કરવાનો પ્રયાસ કરી રહ્યો હતો. આરોપીએ કહ્યું કે તે શરીરના ટુકડાઓને કૂકરમાં ઉકાળીને કૂતરાઓને ખવડાવતો હતો. પડોશીઓએ જણાવ્યું હતું કે તેઓએ જોયું હતું કે આરોપી મનોજ સાહની છેલ્લા કેટલાક દિવસોથી કૂતરાઓને કંઈક ખવડાવી રહ્યો હતો. આનાથી એવી શંકા વધુ ઘેરી થઈ કે તે કૂતરાઓને ખવડાવીને ટુકડાઓનો નિકાલ કરવામાં વ્યસ્ત છે. ઓરડાની અંદરથી સરસ્વતીના શરીરનો માત્ર નીચેનો ભાગ જ મળી આવ્યો છે. 

મનોજે સરસ્વતીના કર્યાં 20 ટુકડા 
નયાનગર પોલીસ સ્ટેશન હેઠળ મીરા રોડની ગીતા નગર કોલોનીમાં આ ઘટના બાદ અફરાતફરીનો માહોલ છે. દરેકની નજર એ બિલ્ડિંગ તરફ છે જ્યાં આ ઘટના બની છે. જણાવવામાં આવી રહ્યું છે કે અત્યાર સુધી પોલીસે આરોપીના કહેવા પર સરસ્વતીના મૃતદેહના 13 ટુકડા મળી આવ્યા છે. મનોજે સરસ્વતીના શરીરના 20 ટુકડા કરી નાખ્યા હતા. સ્થાનિકોએ જણાવ્યું હતું કે, આરોપી મનોજ ક્યારેય કૂતરાઓને કશું ખવડાવતો ન હતો. છેલ્લા બે-ત્રણ દિવસથી તે કૂતરાઓને ખવડાવતો જોવા મળતાં શંકા પડી હતી. દિવસમાં ઘણી વાર કૂતરાઓને ખવડાવવાને કારણે અમારી શંકા મજબૂત થઈ હતી કે કંઈક ખોટું થયું છે. એટલું જ નહીં કૂતરા સરળતાથી સુંઘીને ખાઈ ન શકે તે માટે તે કૂકરમાં ડેડ બોડીના ટુકડા પણ ઉકાળતા હતા. આ ભયાનક ઘટનાને અંજામ આપ્યા બાદ પણ મનોજ સાહનીને કોઇ અફસોસ નથી. આ ઘટનાએ દિલ્હીના શ્રદ્ધા મર્ડર કેસની યાદો તાજી કરી દીધી છે, જેમાં લિવ ઇન પાર્ટનર આફતાબે શ્રદ્ધાના 32 ટુકડા કરીને જંગલમાં ફેંકી દીધા હતા.

આટલી ઘાતકી રીતે મારી નાખવાનું શું કારણ 
મનોજ સરસ્વતીની આટલી ઘાતકી રીતે કેમ હત્યા કરી તેની પાછળું કારણ હજુ જાણવા મળ્યું નથી. મુંબઈની મીરા રોડ પોલીસનું કહેવું છે હાલમાં તપાસ ચાલી રહી છે અને જેમાં હત્યાનું કારણ બહાર આવી શકે. મળેલા લાશના ટુકડાઓને ફોરેન્સિક અને પોસ્ટ મોર્ટમ માટે મોકલવામાં આવશે.