લાંબા સમયની રાહ જોવડાવ્યા બાદ મહારાષ્ટ્રમાં મોનસૂનનો પ્રારંભ થયો છે. આજરોજ સવારે માયાનગરી મુંબઇ અને આસપાસના વિસ્તારમાં ધોધમાર વરસાદ (Mumbai Rain) વરસ્યો છે. આ સિઝનનો પહેલો વરસાદ છે. વરસાદના કારણે મુંબઇવાસીઓને ગરમીથી તો રાહત મળી પરંતુ તેના સાથે આફત પણ મળી.
ભારે વરસાદના કારણે અનેક વિસ્તારોમાં પાણી ભરાઇ ગયા, જેના કારણે ટ્રાફિક જામના દ્રશ્યો જોવા મળ્યાં. ભારે વરસાદના કારણે મુંબઇના તાપમાનમાં ઘટાડો જોવા મળ્યો છે, મુંબઇનું તાપમાન હાલ 27 ડિગ્રી સુધી પહોંચી ગયું છે.
મુંબઇમાં ભારે વરસાદના કારણે અનેક જગ્યાઓ પર પાણી ભરાઇ ગયાના અહેવાલ પ્રાપ્ત થઇ રહ્યાં છે.
જેમાં અંધેરી, ધારાવી, વસઇ, કાંદિવલી, બોરીવલી સહિતના વિસ્તારોમાં વરસાદના કારણે પાણી ભરાયા છે. જેના કારણે ટ્રાફિક જામ થઇ જતાં લોકોને ભારે હાલાકીનો સામનો કરવો પડી રહ્યો છે.
મુંબઈના અંધેરી, ધારાવી, વસઈ, કાંદિવલી અને બોરીવલી વિસ્તારમાં પાણી ભરાતા મુંબઈકરોને નોકરી-ધંધાએ જવામાં થોડી હાલાકીનો સામનો કરવો પડ્યો હતો. જ્યારે ફ્લાઈટોની ઉડાનને પણ અસર થઈ રહી છે. વિઝિબીલીટી ઘટી જતાં હવાઈ સેવાને અસર થઈ છે.