VIDEO / મુંબઈની આ સન્નારીની સેવાના દ્રશ્યો જોઈને તમે કરશો સલામ, અકસ્માત ટાળવા કર્યું આ કામ

• મુંબઈની સન્નારીને છે હજારો લોકોની ચિંતા 
• પાણી વચ્ચે ઊભા રહી કરે છે એ ટ્રાફિક નિયમન 
• નહીં વળતરની આશા નહીં પ્રચારની ભૂખ 

માયાનગરી મુંબઈ પર કુદરત કોપાયમાન છે. પહેલાથી જ કોરોના વાયરસનો માર ઝેલી રહેલી મુંબઈમાં વરસાદે હાહાકાર મચાવ્યો છે. આર્થિક રાજધાનીમાં રેકોર્ડ બ્રેક વરસાદથી જનજીવન અસ્તવ્યસ્ત થઈ ગયું છે. શહેરમાં અતિભારે વરસાદના કારણે રસ્તાઓ પર નદીઓ વહી રહી છે. આ દરમિયાન એક મુંબઈનો વીડિયો વાયરલ થઇ રહ્યો છે. આ વીડિયોમાં મુંબઈના રોડ પર એક મહિલા દેખાઇ જે ગટરના મેઈન હોલના ઢાંકણા પર ઉભા રહીને તે હાથ હલાવતી નજરે પડી રહી છે. તમને થશે કે તેણી શું કરી રહી છે. પરંતુ જરા ધ્યાનથી જોશો તો આ મહિલા અકસ્માત ટાળવા ટ્રાફિકનું નિયમન કરી રહી છે. તે ભારે વાહનોને સાવધાનીથી પસાર કરાવી રહી છે.

ભારે વરસાદ અને કેડ સમા પાણીમાં ઉભેલી આ મહિલા કોઈ ટ્રાફિકકર્મી નથી, આ મહિલાને પબ્લિસિટીની ભૂખ પણ નથી. બસ તેની તો માત્ર એક જ ઈચ્છા છે કે, પાણી ભરેલા રોડ પર કોઈ અકસ્માત ન સર્જાવો જોઈએ. કોઈ નાના વાહનચાલક ભૂલથી મેઈન હોલમાં ગરકાવ ન જઈ જવો જોઈએ. કશા વળતરની આશા વિના અનેકના જીવનની ચિંતા કરતી આ સન્નારીને જેટલી સલામ કરીએ તેટલી ઓછી પડે તેમ છે.

This video is from Tulsi Pipe Road in Matunga West, Mumbai. The lady seen in the video had been standing beside the open manhole for five hours to warn commuters driving on the road.

VC: Bhayander Gudipadva Utsav pic.twitter.com/FadyH175mY

— The Better India (@thebetterindia) August 7, 2020