આ ફની વીડિયો સોશિયલ મીડિયા પ્લેટફોર્મ ટ્વીટર પર શેર કરવામાં આવ્યો છે અને કેપ્શનમાં લખ્યું છે. 'મલાડને માલદીવ સમજી રહ્યો છે આ વ્યક્તિ.'
સોશિયલ મીડિયા પર વાયરલ થયો વીડિયો
શખ્સ રસ્તા પર પાણીમાં સુઈ ગયો
લોકો આપી રહ્યા છે ફની કમેન્ટ્સ
દેશની આર્થિક રાજધાની મુંબઈ ભારે વરસાદથી પાણી-પાણી થઈ ગયું છે. શહેરના રસ્તાઓ પાણીમાં ડૂબી ગયા છે. જ્યારે હજુ પણ ઘણા વિસ્તારોમાં ધોધમાર વરસાદ પડી રહ્યો છે. ભારે વરસાદના કારણે મુંબઈ બેહાલ છે. ભારે વરસાદની વચ્ચે એક ખૂબ જ ફની વીડિયો વાયરલ થઈ રહ્યો છે. વાયરલ થઈ રહેલા આ વીડિયોમાં એક શખ્સ મલાડના રસ્તાઓ પર માલદિવ જેવી મજા લેતો જોવા મળી રહ્યો છે. આ વીડિયોને જોયા બાદ તે હસવું નહીં રોકી શકો.
શખ્સ રસ્તાની વચ્ચે આરામથી સુઈ ગયો
વીડિયોમાં તમે જોઈ શકો છો કે એક શખ્સ પાણી ભરેલા રસ્તા પર આરામથી સુઈ ગયો છે. ગાડીઓ આવી રહી છે અને શખ્સ રસ્તા પર આરામ ફરમાવી રહ્યો છે. તેને કોઈ ફરક નથી પડી રહ્યો કે તે પાણીમાં રસ્તાની વચ્ચે કઈ રીતે સુઈ રહ્યો છે. તે બીચ પર સુતો હોય તે રીતે લહેરોનો આનંદ લઈ રહ્યો છે.
આ વીડિયો જોઈને લોકો અંદાજો લગાવી રહ્યા છે કે આ શખ્સ નશામાં હશે અથવા તો પાગલ હોઈ શકે છે. પરંતુ આ વીડિયો લોકોને પસંદ ખૂબ આવી રહ્યો છે. તેને જોઈને લોકો પોતાનું હસવું નથી રોકી શકતા.
લોકો કરી રહ્યા ફની કમેન્ટ્સ
આ ફની વીડિયોને સોશિયલ મીડિયા પ્લેટફોર્મ ટ્વીટર પર શાહિદ ખાન નામના શખ્સે શેર કર્યો છે અને કેપ્શનમાં લખ્યું છે. 'મલાડને માલદીવ સમજી રહ્યો છે આ શખ્સ. ભીગી-ભીગી સડકો પર તેરા ઈંતઝાર કરૂં'. ફક્ત 11 સેકેન્ડનો આ વીડિયો લોકોને ખૂબ જ પસંદ આવી રહ્યો છે. તમે બીચ પર આ રીતે સુઈને મસ્તી કરતા ઘણા લોકો જોયા હશે. પરંતુ આ રીતે રસ્તા પર બીચની મજા લેતા કદાચ જ કોઈને જોયા હશે.