દેશની આર્થિક રાજધાની ગણાતા મુંબઈમાં અત્યારે વરસાદે માઝા મૂકી છે. મંગળવાર રાતથી સતત ચાલી રહેલા વરસાદના કારણે તમામ લોકોનું જનજીવન અસ્તવ્યસ્ત થયું છે. હવામાન વિભાગે પહેલાં મુંબઈમાં ઓરેન્જ એલર્ટ જાહેર કર્યું હતું પણ હવે સ્થિતિને જોતાં રેડ એલર્ટ જાહેર કર્યું છે. હવામાન વિભાગે કહ્યું છે કે આવનારા 6 કલાકમાં રાજધાનીમાં ભારે વરસાદની સંભાવના છે.
હવામાન વિભાગે આપી ખાસ ચેતવણી
મુંબઈમાં જાહેર કરાયું રેડ એલર્ટ
આગામી 6 કલાકમાં ભારે વરસાદની શક્યતા
ભારે વરસાદના કારણે મુંબઈ વાસીઓને અનેક મુસીબતોનો સામનો કરવો પડી શકે છે. ઉલ્લેખનીય છે કે ભારે વરસાદના કારણે મુંબઈમાં નીચાણવાળા વિસ્તારોમાં પાણી ભરાયું છે. જેના કારણે વાહનચાલકોને ભારે મુસીબતોનો સામનો પણ કરવો પડી રહ્યો છે. કેટલીક જગ્યાએ પાણી ભરાવવાના કારણે મુશ્કેલી સર્જાઈ રહી છે તો કેટલીક જગ્યાઓએ ઝાડ પડી જવાના કારણે મુશ્કેલીનો સામનો કરવો પડી રહ્યો છે. હવામાન વિભાગે આગાહીમાં જણાવ્યું છે કે જે વિસ્તારોમાં પાણી ભરાય છે તે માર્ગ પર ન જવું.
હવામાન વિભાગનું કહેવું છે કે ગુરુવારે મુંબઈ અને તેના ઉપનગરોમાં સતત વરસાદના કારણે રાહત મળવાના કોઈ સંકેત નથી. અહીં સામાન્યથી વધારે વરસાદ રહી શકે છે. હવામાન વિભાગે જાણકારી આપી હતી કે બુધવારે બાંદ્રા, કુર્લા કોમ્પલેક્સ (પૂર્વ), સાંતાક્રૂઝ, કોલાબા, રામમંદિર, એનએસસી, સ્ટોશનો પર 10 સેમીમથી વધારે વરસાદ નોંધાયો હતો. આ સ્થિતિને જોતાં આજે પણ બીએમસીએ લોકોને આવશ્યક સાવધાની રાખવાની સલાહ આપી છે. લોકોને સમુદ્ર તટ પર ન જવાની અપીલ કરી છે અને સાથે પાણી ભરાતા વિસ્તારોથી બચવાનો પણ આદેશ આપ્યો છે.
मुंबई के ग्रांट रोड इलाके में एक घर के एक हिस्से गिर जाने से दो लोग घायल हो गए। घायलों को अस्पताल ले जाया गया है: अग्निशमन विभाग के अधिकारी अजय जाधव pic.twitter.com/DfZVgDUkCg
નોર્થ કોંકણ, સાઉથ કોંકણમાં અલગ અલગ જગ્યાઓએ વરસાદની શક્યતા છે. સાઉથ સેન્ટ્રલ મહારાષ્ટ્ર, પૂર્વી- પશ્ચિમી વિદર્ભમાં પણ સતત વરસાદની શક્યતા જણાઈ રહી છે. હવામાન વિભાગના અનુસાર પાલઘર, રાયગઢ અને થાણેમાં પણ મન મૂકીને વરસાદ વરસી રહ્યો છે.
महाराष्ट्र: मुंबई के मरीन लाइन इलाके में कल रात एक इमारत का हिस्सा ढह गया। किसी के घायल होने की कोई ख़बर नहीं है। (घटनास्थल से ताज़ा तस्वीरें) pic.twitter.com/T7KhVYYIx4