મુંબઈઃ માયાનગરીમાં ફરી એકવાર વરસાદની ઈનીંગ જોવા મળી હતી. મુંબઈના બાપ્પા ચોક સુમન નગર અને JVLR માર્ગ મોડી રાતથી જ વરસાદ વરસ્યો હતો.
તો હવામાન વિભાગે પણ ભારે વરસાદની આગાહી તેમજ હાઈટાઈડની આગાહી કરી હતી. જેના પગલે દરિયામાં સિઝનના સૌથી મોટા મોજા ઉછળ્યા હતા. દરિયામાં 5 મીટર સુધીના મોજા ઉછળ્યા હતા. તો માછીમારોને પણ દરિયો ન ખેડવા માટે સૂચના આપી દેવાઈ છે.
ત્યારે હવામાન વિભાગ દ્વારા ભારે વરસાદની આગાહી મળ્યા બાદ બીએમસી મુંબઇ પોલીસ અને નેવી કોસ્ટ ગાર્ડને એલર્ટ પર રહેવાના આદેશ આપવામાં આવ્યા છે સાથે જ મછીમારોને દરિયાથી દૂર રહેવા માટે કહેવામાં આવ્યું છે.
મુંબઇમાં હજુ પણ વરસાદ વરસી રહ્યો છે. હાઇ ટાઇડ આવવાના કારણે દરિયા કિનારે અને રોડ પર અંદાજિત 15 મેટ્રિક ટન કચરો ફેલાઇ ગયતો હતો. રસ્તા પર કચરો આવવાના કારણે બીએમસી કર્મચારીઓએ ઘણી મુશ્કેલીઓનો સામનો કરવો પડ્યો હતો.