દેશની આર્થિક રાજધાની મુંબઈમાં વરસાદથી હાહાકાર મચી ગયો છે. મુંબઈના અનેક વિસ્તારો પાણી પાણી થઈ ગયા છે. લોકોના ઘરમાં પાણી ઘુસી ગયા છે. મુંબઈના માર્ગો પર જાણે નદીઓ વહેતી હોય તેવા દ્રશ્યો દેખાઈ રહ્યા છે. દક્ષિણ મુંબઈના અનેક વિસ્તારોમાં પાણી ભરાઈ ગયા છે. મુંબઈ, થાણે, પાલઘરમાં હજુ પણ રેડ અલર્ટ જાહેર કરી દેવામાં આવ્યું છે.
પાણીમાં ડૂબી ગઈ માયાનગરી
વરસાદે તોડ્યો કેટલાય વર્ષોનો રેકોર્ડ
લોકોને ઘરમાં રહેવા અપીલ
મુંબઈમાં વરસાદથી હાહાકાર
પ્રધાનમંત્રી નરેન્દ્ર મોદીએ પણ વરસાદ બાદની સ્થિતિ મામલે ઉદ્ધવ ઠાકરેને ફોન કર્યો છે. PM મોદીએ તમામ શક્ય મદદની વાત કરી છે. મુંબઈની મસ્જિદ અને ભાયખલા સ્ટેશન વચ્ચે 2 લોકલ ટ્રેન રેલવે ટ્રેક પર પાણી ભરાવાના કારણે ફસાઈ ગઈ હતી તો દક્ષિણ મુંબઈમાં 46 વર્ષ બાદ ઓગસ્ટ મહિનામાં આવી સ્થિતિ સર્જાઈ છે. કોલોબામામાં 106 કિમીની ઝડપે પવન ફૂંકાઈ રહ્યો હતો. જેના કારણે વાવાઝોડા જેવી સ્થિતિ પણ સર્જાઈ હતી. મુંબઈમાં છ જગ્યાએ દિવાલ અને મકાન તૂટી પડવાની ઘટના બની છે. જ્યારે 141 સ્થળોએ વૃક્ષ તૂટી પડ્યા છે. હવામાન વિભાગે આશંકા વ્યક્ત કરી છે કે આજે પણ મુંબઈમાં ભારે વરસાદ થઈ શકે છે. કોંકણમાં પણ સતત વરસાદના કારણે મુખ્ય 4 નદીઓ ભયજનક સપાટીએ વહી રહી છે. જેના કારણે અનેક ગામડાઓ સંપર્ક તૂટી ગયો છે.
Of all the videos that did the rounds yesterday about the rains in Mumbai, this one was the most dramatic. We have to figure out if this palm tree’s Tandava was a dance of joy—enjoying the drama of the storm—or nature’s dance of anger... pic.twitter.com/MmXh6qPhn5
ફાયર બ્રિગેડની એક ગાડી મુંબઈના માર્ગો પર ફરી રહી છે રોડ પર એટલું બધું પાણી ભરાઈ ગયું છે કે ભારે ભરખમ ટ્રકને પણ ચલાવામાં મુશ્કેલી થઈ રહી છે. તો રોડની બન્ને સાઈડ દુકાનો અડધી પાણીમાં ડૂબી ગઈ છે. રોડની સાઈડમાં પડેલી એક કાર તો પાણીના વેવ્સ અડતા હાલક ડોલક થવા લાગી. લાખો કાર મુંબઈ શહેરમાં પાણીમાં ગરકાવ થઈ ગઈ છે. હજારો મકાનોમાં જળબંબાકાર જેવી સ્થિતિ સર્જાઈ છે લોકો પાણીમાં ચાલીને જવા માટે મજબૂર બન્યા છે.
મુંબઈમાં ભારે વરસાદની સાથે 100 કિમીથી વધુની ઝડપે પવન પણ ફુંકાયો હતો જેના કારણે 150થી વધુ વૃક્ષો ધરાશાયી થઈ ગયા હતા જે બાદ ઘણા બધા વીડિયો પણ સોશ્યલ મીડિયામાં વાયરલ થઇ રહ્યા છે. વીડિયો સોશિયલ મીડિયામાં ઘણો વાયરલ પણ થઈ રહ્યો છે.મુંબઈમાં વરસાદની સાથે સાથે ભારે પવન ફૂંકાયો હતો. 100 કિમીની ઝડપે પવન ફૂંકાતા અનેક વિસ્તારોમાં હોર્ડિંગ્સ અને વૃક્ષો ધરાશાયી થઈ ગયા હતા. એક બિલ્ડિંગના દ્રશ્ય સામે આવ્યા છે. બિલ્ડિંગની છત પર લગાવેલો શેડ હવામાં ઉડી જાય છે. તો પવનની ગતિ એટલી તીવ્ર હતી કે રોડ પર લગાવેલું ટ્રાફિક સિગ્નલ પણ તૂટી પડ્યું હતું.
મુંબઈમાં સ્થિતિ એ હદે વણસી છે કે હવે દરિયો વરસાદી પાણી સ્વીકારી નથી રહ્યો એટલે કે દરિયાની જળસપાટી પણ ઉંચી આવી ગઈ છે. જેના કારણે મુંબઈમાં વરસેલા વરસાદ બાદ ભરાયેલા પાણી દરિયામાં નથી જઈ રહ્યા. આ કારણોસર દરિયા કિનારે અને દરિયા કિનારે આવેલા રોડ પરનું પાણી સમાંતર થઈ ગયું છે. આ સ્થિતિમાં દરિયામાં હાઈટાઈડ આવે તો સ્થિતિ વધુ ગંભીર થઈ શકે છે. જ્યાં સુધી સમુદ્રમાં પાણી નહીં જાય ત્યાં સુધી મુંબઈકરોને આ સ્થિતિનો સામનો કરવો પડશે અને ત્યાં સુધી લોકોને ઘરમાં જ પુરાઈને રહેવું પડશે.
#WATCH A local in Wadala area of #Mumbai carries a kitten on his motorcycle after rescuing it, amid heavy rainfall in the city. He says, "I am taking the kitten home." pic.twitter.com/4qawgwJQzP