મુંબઈમાં ગઈકાલ રાતથી ભારે વરસાદના કારણે જનજીવન અસ્તવ્યસ્ત બન્યું છે. વરસાદમાં કેટલાક વાહનો બંધ થઇ જવાના કારણે લોકોએ વાહનમાં જ રાત વિતાવી પડી. એકતરફ વરસાદના કારણે પાણી ભરાઈ ગયું છે અને બીજી તરફ હાઈટાઇડથી દરિયો પણ ગાંડોતૂર છે. ત્યારે વરસાદમાં કાંદીવલી પાસે ધડામ કરીને એક પહાડ પડી ગયો હોય તેનો વીડિયો સામે આવ્યો છે.
વરસાદના કારણે આર્થિક રાજધાની બેહાલ
મોટાભાગના વિસ્તારોમાં કમર સુધી પાણી ભરાયું
વેસ્ટર્ન હાઈ-વે પર ભૂસ્ખલનથી લોકોના જીવ તાળવે ચોંટી ગયા
ધડામ કરીને પડ્યો પહાડ
મુંબઈકરો માટે વરસાદ હવે આફત બનીને આવી છે. મુંબઈના કાંદીવલી પાસે ભારે વરસાદના કારણે વેસ્ટર્ન હાઈ-વે પર ભૂસ્ખલન થયું હતું. અહીં પહાડનો એક ભાગ અચાનક ધસી પડ્યો હતો. જેના દ્રશ્યો પણ મોબાઈલમાં કેદ થયા છે. વીડિયોમાં દેખાઈ રહ્યું છે કે વરસાદના કારણે પર્વતનો એક ભાગ ધડામ કરીને પડી જવાના કારણે એક સાઈડનો માર્ગ બંધ કરી દેવાયો હતો. અચાનક જ ધડાકાભેર પહાડનો એક ભાગ ધસી પડ્યો અને હાઈ-વે પર કાટમાળ આવી પહોંચ્યો હતો. આ કારણોસર એક સાઈડનો માર્ગ બંધ થતાં ટ્રાફિક જામની સ્થિતિ સર્જાઈ હતી. તો ભૂસ્ખલન થતા કેટલાક વાહનોને નુકસાન થયું હતું. સદનસીબે મોટી જાનહાનિ ટળી હતી અને હાલ તંત્ર દ્વારા પથ્થરો રોડ પરથી હટાવવામાં આવી રહ્યા છે.
વરસાદે દેશની આર્થિક નગરી મુંબઈના ફરી એકવાર હાલ બેહાલ કરી નાખ્યા છે. મોડી રાત્રે થયેલા વરસાદથી મુંબઈનગરી પાણી પાણી થઈ ગઈ છે. મુંબઈમાં ભારે વરસાદથી હિંદમાતા, દાદર, ટી.ટી. કિંગ્સ સર્કલ, સાયન, ચેમ્બૂર, અંધેરી, સાંતાક્રૂઝ, લોઅર પરેલ વિસ્તારમાં પાણી ભરાઈ ગયા હતા.જેના કારણે માર્ગો પર નીકળવું મુશ્કેલ થઈ ગયું હતું. તો કેટલાક વિસ્તારોમાં બસ અને ટ્રક અડધા સુધી પાણીમાં ગરકાવ થઈ ગયા હતા. વાહન ચાલકોએ માર્ગો પર જ વાહન મુકીને ઘરે ચાલતા જવું પડે તેવી સ્થિતિ સર્જાઈ હતી. મુંબઈના કોલાબામાં 11 ઈંચ જેટલો વરસાદ વરસી ગયો છે. તો સાંતાક્રૂઝમાં 4 ઈંચ જેટલો વરસાદ થયો છે. હવામાન વિભાગનું માનીએ તો મુંબઈમાં હજુ પણ 24 કલાક ભારે છે. મુંબઈ ઉપરાંત થાણે, પુણે, રાયગઢ અને રત્નાગિરી જિલ્લામાં પણ ભારેથી અતિ ભારે વરસાદ થઈ શકે છે.
Normal life disrupted in #Mumbai as heavy rainfall triggers severe water logging at various places of the city. #Maharashtra
મુંબઈમાં થયેલા ભારે વરસાદ બાદ અનેક સ્થળોમાં જળબંબાકાર જેવી સ્થિતિ છે. કેટલાક નિચાણવાળા વિસ્તારોમાં કમર સુધીના પાણી ભરાઈ ગયા છે. મુંબઇના માટુંગા વિસ્તારમાં આવેલા કિંગ સર્કલ પર ભારે પાણી ભરાઈ જતા અનેક વાહનો ફસાઈ ગયા હતા. બસ ચાલકો પણ બસને અધવચ્ચે જ મુકીને જતા રહ્યા હતા.
Owing to the heavy rainfall since last night and forecasts of extremely heavy rain by @IndiaMetDept, all offices and establishments in Mumbai, except emergency services, will remain closed.#MyBMCUpdates#MyBMCMonsoonUpdates
મુંબઈમાં હાઈટાઈડની ચેતવણી જાહેર કરવામાં આવી છે ત્યારે સમુદ્ર કિનારે ઉંચા મોજા ઉછળવાની શરૂઆત થઈ ગઈ છે. મુંબઈના મરીન ડ્રાઈવમાં ઉછળતા નજરે પડી રહ્યા છે. તો લોકોને પણ ઘરમાં રહેવા અને દરિયા કિનારે ન જવા માટે સૂચના આપવામાં આવી છે. ભારે વરસાદથી એક તરફ મુંબઈમાં અનેક વિસ્તારોમાં પાણી ભરાયા છે. તો બીજી તરફ હાઈટાઈડ આવવાથી હવે નીચાણવાળા વિસ્તારોમાં પાણી ઓસરે તેવી શક્યતા ઓછી દેખાઈ રહી છે. તો બીજી તરફ જુહુ બીચ પણ ખાલી કરાવાઈ દેવાયો છે. જુહુ બીચ પર દરિયો ગાંડોતૂર થતાં લોકોને પણ દરિયા કિનારે ન જવા માટે અપીલ કરવામાં આવી છે.
#WATCH High tide hits #Mumbai as heavy rainfall continues to lash the city. The MeT department has sounded a red alert for today & tomorrow for an extremely heavy downpour. #Maharashtrapic.twitter.com/qrjUKWavdq
મુંબઈમાં રાત્રી દરમિયાન થયેલા ભારે વરસાદના કારણે અનેક લોકોએ માર્ગો પર જ રાત વિતાવવી પડી હતી. અનેક વાહન ચાલકોના વાહનો બંધ થઈ ગયા હતા. તો કેટલાક વાહનચાલકોએ વાહનમાં જ રાત વિતાવી હતી. તો શહેરના હજુ પણ કેટલાક વિસ્તારોમાં ભારે પાણી ભરાયેલા છે. બપોર બાદ હાઈટાઈડનું અલર્ટ છે. ત્યારે મુંબઈ મહાનગરપાલિકાના કમિશનરે જણાવ્યું કે પાણી કાઢવા માટે મશીનો મુકી દેવામાં આવ્યા છે.