હવે એક ખાસ હાઈવે પર વાહન ચલાવવા માટે વાહન ચાલકોને પહેલાથી જ વધારે ટોલ ટેક્સ આપવો પડશે. આ હાઈવેના મેન્ટેનન્સ અને ઓપરેશનની જવાબદારી એક નવી કંપનીને આપવામાં આવી છે. જાણો, આ રોડ પર વાહન હંકારવા કેટલો ટોલ ટેક્સ ચૂકવવો પડશે.
મુંબઈ પૂના હાઈવે પર ડબલ ટોલ ટેક્સ ચૂકવવો પડશે
એક ખાનગી કંપનીને 2030 સુધી અપાયો કોન્ટ્રાક્ટ
કોન્ટ્રાકટ પર રહેલી કંપની મહારાષ્ટ્ર સરકારને ચૂકવશે પૈસા
આ કોન્ટ્રાક્ટ 30 એપ્રિલ 2030 સુધી આપવામાં આવ્યો છે
મુંબઈ- પૂના એક્સપ્રેસ વે પર 1 એપ્રિલથી ટોલ રેટ વધવા જઈ રહ્યા છે. ટોલ રોડ ફર્મ IRB ઈન્ફ્રાસ્ટ્રક્ચર ડેવલપર્સ (IRB Infrastructure Developers)એ કહ્યું છે કે મુંબઈ- પુના એક્સપ્રેસ પ્રોજેક્ટ માટે તેને ઓપરેશન અને ટોલ કલેક્શનનો કોન્ટ્રાક્ટ મળ્યો છે. કંપનીની જવાબદારી એક્સપ્રેસ વેનું ઓપરેશન અને મેન્ટેનન્સ કરવાની રહેશે. આ કોન્ટ્રાક્ટ 30 એપ્રિલ 2030 સુધી આપવામાં આવ્યો છે.
IRB ઈન્ફ્રાસ્ટ્રક્ટર ડેવલોપર્સને આ કોન્ટ્રાક્ટ ટોલ- ઓપરેટ- ટોલ મોર્ડલ હેઠળ મળી છે. કંપનીને મહારાષ્ટ્ર સ્ટેટ રોડ ડેવલપમેન્ટ કોર્પોરેશન પાસેથી 10 વર્ષ અને 2 મહિના માટે લેટર ઓફ એક્સપ્ટેંસ(LoA) મળી ચૂક્યો છે.
આ કોન્ટ્રાક્ટ હેઠળ IRB દ્વારા મહારાષ્ટ્ર સરકારને 8262 કરોડ રુપિયા ચૂકવવા પડશે. જેમાં 6500 કરોડ રુપિયા અપફ્રંટ પેમેન્ટનો પણ સમાવેશ થશે. આ બાદ બીજા અને તીજા વર્ષે 850 કરોડ રુપિયા જમા કરાવવાના રહેશે. જ્યારે ત્રીજા વર્ષે 62 કરોડ રુપિયા જમા કરાવવાના રહેશે.
હવે કેટલો ટોલ ટેક્સ ચૂકવવો પડશે?
1 એપ્રિલથી આ એક્સપ્રેસ પર કારનો ટોલ ટેક્સ રેટ 230થી વધીને 270 રુપિયા થઈ જશે. જ્યારે કે મિની બસ માટે આ રેટ 335 રુપિયા વધીને 420 રુ. કરી દેવામાં આવ્યો છે. આ એક્સપ્રેસ પર ટ્રકો માટે ટોલ રેટને 493રુથી વધારીને 580 રુ કરી દેવામાં આવ્યો છે. જ્યારે કે આ રેટ 675 રુ.થી વધીને 797 રુ અને મોટા ટ્રકો માટે આને 1,165-1555 રુથી વધારીને આને 1380-1835 કરી દેવામાં આવ્યો છે.