મુંબઈ પોલીસે કેમિસ્ટ્રીના એક યુવાન અને બીજા ચાર આરોપીઓ પાસેથી 1400 કરોડનું 700 કિલો મેફડ્રોન ડ્રગ ઝડપી પાડ્યું છે.
દેશમાં હવે મુંબઈમાં મોટા પ્રમાણમાં ડ્રગ્સ ઝડપાયું
ગ્રેજ્યુએટ યુવાન અને ચાર યુવાનો પાસેથી ઝડપાયું મેફડ્રોન ડ્રગ
કુલ 700 કિલો ડ્રગ ઝડપાયું, કિંમત 1400 કરોડ
મુંબઈના એક ગ્રેજ્યુએટ યુવાને કેમિસ્ટ્રીની આવડતનો ઉપયોગ કરીને એટલું મોટું ડ્રગ્સ બનાવી નાખ્યું કે પોલીસને આંખે અંધારા આવી ગયા હતા. મુંબઈનો આ યુવાને તાજેતરમાં કેમિસ્ટ્રીનું ભણતર પૂરુ કર્યું હતું પરંતુ તેને તેની આવડત ખોટા માર્ગે વાપરી હતી. તે કેમિસ્ટ્રીમાં પાવરધો હતો અને પોતાની આ આવડતના જોરે તેમણે દેશમાં પ્રતિબંધિત ગણાતી દવા અને ડ્રગ મેફેડ્રોન બનાવી દીધું હતું. પોતાના આ ખોટા કામમાં બીજા પાંચ યુવાનોએ તેને સાથ આપ્યો હતો પરંતુ કહેવત છે ને કે પાપ છાપરે ચડીને પોકારે છે. આ કિસ્સામાં પણ આવું જ બન્યું અને આખરે તે પોલીસના હાથે ઝડપાઈ ગયો.
Mumbai police seize more than 700 kg mephedrone worth Rs 1,400 crore after raid in Palghar district; arrests five persons: Official
મુંબઈમાં 1,400 કરોડની કિંમતનું 700 કિલોગ્રામથી વધુ મેફેડ્રોન જપ્ત
પહેલા ગુજરાતમાં અને હવે મુંબઈમાં મોટી માત્રામાં ડ્રગ ઝડપાયું છે. પાલઘર જિલ્લાના નાલાસોપારામાં એક ડ્રગ મેન્યુફેક્ચરિંગ યુનિટમાં દરોડા પાડ્યા બાદ મુંબઈ પોલીસે ₹ 1,400 કરોડની કિંમતનું 700 કિલોગ્રામથી વધુ મેફેડ્રોન જપ્ત કર્યું હતું અને ઓર્ગેનિક કેમિસ્ટ્રીમાં પોસ્ટ-ગ્રેજ્યુએટ સહિત પાંચ વ્યક્તિઓની ધરપકડ કરી હતી
આરોપી ઓર્ગેનિક કેમિસ્ટ્રીમાં પોસ્ટ ગ્રેજ્યુએટ
નાલાસોપારાથી પકડાયેલો આરોપી ઓર્ગેનિક કેમિસ્ટ્રીમાં પોસ્ટ ગ્રેજ્યુએટ છે અને ડ્રગ્સ બનાવવા માટે પોતાની આવડતનો ઉપયોગ કરતો હોવાનું એક પોલીસ અધિકારીએ જણાવ્યું હતું. પોલીસે કહ્યું કે તાજેતરના સમયમાં શહેર પોલીસ દ્વારા ડ્રગ્સનો આ સૌથી મોટો જથ્થો છે.
શું છે મેફેડ્રોન ડ્રગ
મેફેડ્રોન, જેને 'મેઉ મેઉ' અથવા એમડી તરીકે પણ ઓળખવામાં આવે છે, તે એક કૃત્રિમ ઉત્તેજક સાઇકોટ્રોપિક પદાર્થ છે જે નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (એનડીપીએસ) એક્ટ હેઠળ પ્રતિબંધિત છે.