રાજ કુન્દ્રા કેસમાં નવો વળાંક આવ્યો છે. મુંબઇ સ્થિત વિઆન ઇન્ડસ્ટ્રીઝ લિમિટેડની ઑફીસમાં દરોડા પાડતા આપત્તિજનક વસ્તુઓ મળી આવી છે.
મુંબઇ પોલીસે પાડ્યા રાજની ઓફીસ પર દરોડા
શિલ્પા શેટ્ટીની સંડોવણીના મળ્યા એંધાણ
કથિત આરોપીનો સાથ આપી રહી હતી શિલ્પા ?
સોફ્ટ પોર્નોગ્રાફી કેસમાં મુંબઇ પોલીસે બુધવારે સાંજે રાજ કુન્દ્રાની ધરપકડ કરવામાં આવી છે અને તેની ઓફીસ પર પણ દરોડા પાડવામાં આવ્યા હતા. કુન્દ્રાની ઓફીસમાંથી હાર્ડ ડિસ્ક જપ્ત કરવામાં આવી અને સર્વરને સીઝ કરી દેવામાં આવ્યું છે. પોલીસની રેડ દરમિયાન પોર્ન વીડિયોઝ પણ મળી આવ્યા છે.
શિલ્પા શેટ્ટી છે કંપનીની ડાયરેક્ટર
રાજ કુન્દ્રાની કંપની વિઆન ઇન્ડસ્ટ્રીઝનું રજીસ્ટ્રેશન Retail Trade, Except Of Motor Vehicles And Motorcycles, Repair Of Personal And Household Goods તરીકે થઇ હતી. આ કંપનીના કુલ 10 ડિરેક્ટર છે જેમાં બોલીવૂડ એક્ટ્રેસ અને રાજની પત્ની શિલ્પા શેટ્ટીનું પણ નામ છે.
ઉમેશ કામતનું નામ પણ સામેલ
સૌથી ચોંકાવનારી વાત તો એ છે કે ઉમેશ કામત પણ આ કંપનીમાં ડાયરેક્ટર હતો અને તેણે ફેબ્રુઆરીમાં રાજીનામુ આપ્યુ હતુ. તમને જણાવી દઇએ કે ઉમેશ કામત બ્રિટનની કેનરિન પ્રોડક્શન હાઉસનો ભારતીય રિપ્રેઝેન્ટેટીવ હતો જેના દ્વારા અલગ અલગ ott પ્લેટફોર્મ પર પોર્ન વીડિયો અપલોડ થતા હતા.