મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસની મુંબઈ પોલીસે બુધવારે બપોરે ધરપકડ કરી છે. તેમની સાથે ભાજપના અમુક અન્ય નેતાઓની પણ અટકાયત કરી છે.
મહારાષ્ટ્રમાં ભારે હોબાળો
દેવેન્દ્ર ફડણવીસની પોલીસે કરી અટકાયત
ભાજપના અન્ય નેતાઓની પણ કરી ધરપકડ
મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસની મુંબઈ પોલીસે બુધવારે બપોરે ધરપકડ કરી છે. તેમની સાથે ભાજપના અમુક અન્ય નેતાઓની પણ અટકાયત કરી છે. ધરપકડ દરમિયાન ભાજપના નેતાઓ અને કાર્યકર્તાઓ ભારે નારેબાજી કરી હતી. તો વળી દેવેન્દ્ર ફડણવીસ પોલીસની ગાડીમાં પણ ભાજપનો ઝંડો ફરકાવતા દેખાયા હતા.
Mumbai police detain BJP leader Devendra Fadnavis and other leaders of the party as they were carrying out a protest march demanding the resignation of state minister Nawab Malik #Maharashtrapic.twitter.com/EfEM3AytO7
હકીકતમાં જોઈએ તો, દેવેન્દ્ર ફડણવીસ અને ભાજપના અન્ય નેતાઓ બુધવારે એનસીપી નેતા અને લઘુમતી બાબતોના મંત્રી નવાબ મલિકના રાજીનામાની માગને લઈને આઝાદ મેદાનમાં પ્રદર્શન કરી રહ્યા હતા. બપોરે મુંબઈ પોલીસે દેવેન્દ્ર ફડણવીસ અને અન્ય ભાજપના નેતાઓની ધરપકડ કરી હતી. ભાજપ નેતાઓની ધરપકડ કર્યા બાદ પોલીસે મેટ્રો સિનેમા પાસેના બેરિકેડ્સ પણ હટાવી દીધા હતા અને રસ્તાને ટ્રાફિક માટે ખોલી દેવામાં આવ્યો હતો.
નવાબ મલિક પર શા માટે લાગ્યા છે આરોપ
ઈડીએ મહારાષ્ટ્રના કેબિનેટ મંત્રી નવાબ મલિકને દાઉદ ઈબ્રાહિમ મની લોન્ડ્રીંગ મામલામાં ફેબ્રુઆરીમાં અરેસ્ટ કર્યા હતા. તેમને 3 માર્ચ સુધઈ ઈડીની ધરપકડમાં મોકલવામા આવ્યા હતા. આરોપ છે કે, નવાબ મલિકે હસીના પારકારની જમીન કે જેની કિંમત 300 કરોડ રૂપિયા હતી, તે ફક્ત 55 લાખ રૂપિયામાં ખરીદી હતી. નવાબ મલિક પર આ સમગ્ર ટ્રાંજેક્શનમાં મની લોન્ડ્રીંગનો આરોપ લાગ્યો છે. તેમના પર અંડરવર્લ્ડ અને 19993 બોમ્બ બ્લાસ્ટના આરોપીઓ સાથે સંબંધ રાખવા અને તેમની પ્રોપર્ટી ખરીદવાનો પણ આરોપ છે. ઈડીએ મલિક પર ટેરર ફંડિગનો પણ આરોપ લગાવ્યો હતો.