ખરેખર ? / આર્યનની ધરપકડ કરનાર NCB અધિકારીનો મુંબઇ પોલીસ કરી રહી છે પીછો, સમીરે નોંધાવી ફરિયાદ

• NCBના ઑફીસરનો મુંબઇ પોલીસ કરે છે પીછો
• ડ્રગ રેકેટને જડમૂળથી સાફ કરવાનો ઇરાદો
• CCTV ફૂટેજ મહારાષ્ટ્ર DGPને સોંપ્યા

ડ્રગ રેકેટ અભિયાન
સુપરસ્ટાર શાહરુખ ખાનના દિકરા આર્યન ખાન સહિત ફિલ્મ ઇન્ડસ્ટ્રી સહિત જોડાયેલા તમામ લોકોનો ખુલાસો સમીર વાનખેડેએ કર્યો છે. સમીરની ઇમેજ એક સખ્ત અધિકારીની છે. તેમના નેતૃત્વમાં જ ઘણા સેલેબ્સ પર કાર્યવાહી કરવામાં આવી છે. 2 ઓક્ટોબરે એક ક્રુઝ પર ચાલી રહેલી પાર્ટીમાં દરોડા પાડ્યા બાદ આર્યન ખાનની ધરપકડ કરવામાં આવી હતી. 

સુશાંત કેસથી લાઇમલાઇટમાં આવ્યા
તમને જણાવી દઇએ કે, NCB ઝોનલ ડાયરેક્ટર સમીર વાનખેડે સુશાંત સિંહ રાજપૂત કેસ બાદથી જ લાઇમ લાઇટમાં આવ્યા હતા. રિયા ચક્રવર્તીથી લઇને આર્યન ખાન જેવા ઘણા સેલેબ્સને જેલના સળિયા પાછળ પહોંચાડી ચૂક્યા છે. સુશાંત કેસમાં જ તેમને NCBમાં લાવવામાં આવ્યા હતા. 2020થી 2021 વચ્ચે જ તેમણે લગભગ 30 કેસ નોંધ્યા છે. 

જાનથી મારવાની મળી ચૂકી છે ધમકી
સમીર વાનખેડે 2008 બેચના IRS અધિકારી છે. NCB જોઇન કર્યા પહેલા તે નેશનલ ઇનવેસ્ટિગેશન એજન્સીમાં હતા. ઍર ઇન્ટેલિજન્સ યુનિટ સાથે પણ કામ કરી ચૂક્યા છે. તે સમયે વાનખેડેને ઘણીવાર જાનથી મારવાની ધમકીઓ મળી ચૂકી છે.