મુંબઇઃ કહેવાય છે કે માયાનગરી મુંબઇ ક્યારેય ઉંઘતી નથી. આ મહાનગરમાં મોડી રાત સુધી રોડ-રસ્તા પર હલન-ચલન રહે છે અને લોકલ ટ્રેનોમાં ભીડ સામાન્ય વાત છે. હાલમાં દુનિયાભરના 77 મોટા શહેરોમાં કરવામાં આવેલ એક સર્વેમાં સામે આવ્યું છે કે મુંબઇના લોકો દુનિયાના સૌથી વધુ મહેનતું લોકો છે અને સૌથી વધુ કલાક કામ કરે છે.
સ્વિસ બેંક યૂબીએસ દ્વારા કરવામાં આવેલ આ સર્વેમાં કહેવામાં આવ્યું છે કે મુંબઇના લોકો દર વર્ષે 3314.7 કલાક સુધી કામ કરે છે જ્યારે ઓછામાં ઓછું કુલ 1987 કલાક કામ કરે છે. આ રીતે મુંબઇના લોકો યૂરોપીય શહેરો જેવા રોમ અને પેરિસના લોકોના કામથી બેગણાથી વધુ કામ કરે છે. રોમમાં લોકો 1581 અને પેરિસમાં 1662 કલાક કામ કરે છે.
જો કે મુંબઇના લોકો આટલા કલાકો કામ કરે છે છતા પણ કમાણીની બાબતે પાછળ છે. ઉદાહરણ તરીકે ન્યૂયોર્કમાં કામ કરનારા યુવા કર્મચારીઓ 54 કલાક કામ કરીને આઇફોન ખરીદે છે. ત્યારે મુંબઇના લોકો 917 કલાક કામ કરીને આઇફોન ખરીદી શકે છે. ન્યૂયોર્કની બરાબરીમાં મુંબઇમાં ભાડુ સસ્તુ છે. મુંબઇમાં વાળ કપાવવા જેવા ખર્ચા પણ ન્યૂયોર્કની બરાબરીએ ઓછા છે.
કલાકોના હિસાબથી કમાણીના મામલે જિનેવા જ્યૂરિખ અને લગ્જમબર્ગ આગળ છે જ્યારે મુંબઇ યાદીમાં છેલ્લેથી બીજા ક્રમે એટલે કે 76માં નંબરે છે. મુંબઇથી નીચે માત્ર એક કાહિરા છે. આ અધ્યયન માટે યૂબીએસને 15 નોકરીઓ પર તપાસ કરી. આ અધ્યયનમાં જ્યૂરિખ સૌથી મોંઘુ શહેર રહ્યું. કાર્યક્ષમતાના હિસાબે લગ્જમબર્ગ સૌથી આગળ રહ્યું.