16 વર્ષિય એક છોકરીએ પોતાના પિતાનું લિવર દાન કરવા માટે બોમ્બે હાઈકોર્ટના શરણે પહોંચી હતી. તેના પિતાનું લિવર ખરાબ થઈ ગયું છે. તેમનું લિવર ટ્રાંસપ્લાંટ થવાનું છે.
પોતાના પિતાને બચાવવા માટે 16 વર્ષની દિકરી આગળ આવી
પિતાનું લિવર ખરાબ થતાં પોતાનું અંગ આપવા તૈયાર છે દિકરી
હાઈકોર્ટ પાસેથી માગી મંજૂરી
16 વર્ષિય એક છોકરીએ પોતાના પિતાનું લિવર દાન કરવા માટે બોમ્બે હાઈકોર્ટના શરણે પહોંચી હતી. તેના પિતાનું લિવર ખરાબ થઈ ગયું છે. તેમનું લિવર ટ્રાંસપ્લાંટ થવાનું છે. ડોક્ટરનું કહેવુ છે કે, જો લિવર નહીં મળ્યું તો તેઓ 15 દિવસથી વધારે જીવી શકશે નહીં. છોકરીએ હવે કાયદાનો હવાલો આપતા પોતાના લિવરનો એક ભાગ દાન કરવા માટે કોર્ટ પાસેથી મંજૂરી માગી છે. તેની અરજી પર હાઈકોર્ટ સંબંધિત અથોરિટીથી એક દિવસની અંદર જવાબ માગ્યો છે.
કાયદા અનુસાર સગીર માટે મંજૂરી લેવી પડે
હકીકતમાં જોઈએ તો, કાયદો આ વાતની મંજૂરી નથી આપતો કે, કોઈ સગીર પોતાના કોઈ સંબંધીને ડાયરેક્ટ પોતાનું અંગદાન કરી શકે. માનવ અંગ દાન અધિનિયમમાં સ્પષ્ટ લખ્યું છે કે, કોઈ નજીકના સંબંધી કોઈ અંગનું દાન કરી શકે છે. તેના માટે અથોરિટી પાસેથી મંજૂરી લેવી જરૂરી છે. પણ અધિનિયમની કલમ 1 ( 1બી)માં સગીર માટે અપવાદ બનાવામાં આવ્યું છે. કહેવામાં આવ્યું છે કે, 18 વર્ષથી ઓછી ઉંમરના બાળકોને આ કેસમાં સક્ષણ અધિકારી અને રાજ્ય સરકાર પાસેથી પહેલા મંજૂરી બાદ અંગદાન પર વિચાર કરી શકાય છે. કાયદામાં આ નિયમ તો છે પણ તેની પ્રક્રિયા શું હશે, તે સ્પષ્ટ નથી.
દિકરી અંગદાન કરવા ફિટ સાબિત થઈ
ત્યાર બાદ મુંબઈના આ શખ્સની દિકરી લિવર દાન કરવા માટે તેની માતા તરફથી હાઈકોર્ટમાં અરજી કરી છે. એક રિપોર્ટમાં જણાવ્યા અનુસાર હાઈકોર્ટમાં છોકરીના વકીલ તપન થાટેએ જણાવ્યું છે કે, તેના પિતા લિવર સિરોસિસ નામની બિમારીથી પીડિત છે. હાલમાં બેડ પર છે. માર્ચમાં ડોક્ટરો તેમનું લિવર ટ્રાંસપ્લાંટ કરવાની સલાહ આપી હતી. તેમના જેટલા પણ સંબંધીઓ છે, તે અંગદાન કરી શકે છે. તેમની તપાસ થઈ ચુકી છે, પણ કોઈ પણ લિવર ડોનેટ કરવા માટે મેડિકલી રીતે ફિટ નથી. ફક્ત તેમની દિકરી છે, જે પોતાના પિતાને ટ્રાંસપ્લાન્ટ કરવા માટે લાયક મળી છે.
પિતા પાસે છે ફક્ત 15 દિવસ
વકીલે હાઈકોર્ટમાં અરજી પર ફટાફટ સુનાવણી કરવાની આજીજી કરી છે કે, ડોક્ટર્સના જણાવ્યા અનુસાર છોકરીના પિતાની પાસે અરજી દાખલ કર્યા બાદ 15 દિવસનો જ સમય વધ્યો છે અને સક્ષમ અધિકારીની મંજૂરી વિના છોકરી અંગદાન કરી શકતી નથી. કારણ કે, તેની ઉંમર 16 વર્ષ અને 2 મહિના છે. તેમણે કહ્યું કે, સરકારી અથોરિટીની મંજૂરી માટે 25 એપ્રિલે મંજૂરી માટે અરજી કરી છે. પણ તેના પર કોઈ કાર્યવાહી થઈ નથી. ત્યાર બાદ 30 એપ્રિલે હાઈકોર્ટમાં અરજી કરી હતી.