મુંબઈમાં 51 વર્ષીય સફાઈ કામદારે બાળમંદિરમાં ભણતી 5 વર્ષની બાળકી સાથે દુષ્કર્મ આચરીને ઘોર અપરાધ કર્યો છે
મુંબઈના નવાઘરમાં આઘાતજનક ઘટના
51 વર્ષીય સફાઈ કામદારે 5 વર્ષની બાળકી પર આચર્યું દુષ્કર્મ
હોસ્પિટલમાં પીડિતાની હાલત ગંભીર
બાળકીને લાલચ આપીને રુમમાં બોલાવી
પછી આચર્યું હીણું કૃત્ય
મુંબઈમાં 51 વર્ષીય શખ્સે બાળમંદિરમાં ભણતી 5 વર્ષની બાળકી સાથે રેપ કરીને બહુ મોટો અપરાધ કરી નાખ્યો છે. સફાઈ કામદાર તરીકે કામ કરતા 51 વર્ષીય શખ્સે બાળકીને લાલચ આપીને રુમમાં બોલાવી હતી અને પછી કુકર્મ આચર્યું હતું. 51 વર્ષીય નરાધમના કુકર્મનો ભોગ બનેલી બાળકી હાલમાં સારવાર હેઠળ છે અને તેની હાલત ગંભીર હોવાનું જણાવાય છે. લોહિલુહાણ હાલતમાં ઘેર પહોંચેલી બાળકીએ પરિવારને વાત કરી ત્યારે તેમના પગ નીચેથી જમીન સરકી ગઈ હતી. માતાપિતાએ તત્કાળ પોલીસ ફરિયાદ દાખલ કરી હતી. ઘટના પગલે પોલિસ તત્કાળ કાર્યવાહી કરીને નરાધમને ઝડપી લીધો હતો.
Mumbai | One man was arrested for allegedly raping a 5-year-old minor on her school premises. The 52-year-old accused was an old school worker. He lured her into a room & raped her. Girl admitted to hospital, treatment on: Navghar Police Station
પોલીસે આરોપીની કરી ધરપકડ
નવાઘર પોલીસ સ્ટેશનના અધિકારીએ જણાવ્યું કે આરોપીએ લાલચ આપીને બાળકીને બોલાવી હતી અને પછી દુષ્કર્મ આચર્યું છે. તેમણે કહ્યું કે આરોપી છેલ્લા 30 વર્ષથી સ્કૂલમાં કામ કરતો હતો. આરોપી શખ્સની ધરપકડ કરી લેવાઈ છે. પોલીસ અધિકારીએ કહ્યું કે ઘટના સામે આવ્યા બાદ અમે તાત્કાલિક એક ટીમ બનાવીને આરોપીને ઝડપી પાડ્યો હતો. આરોપીની સામે પોક્સો કાયદા હેઠળ ગુનો દાખલ કરવામાં આવ્યો છે.
દેશમાં ક્યારે અટકશે રેપ
આ ઘટના બાદ એવો મહત્વનો સવાલ છેડાયો છે કે દેશમાં નાની બાળકીઓના રેપની ઘટનાઓ ક્યારે અટકશે.