ચિંતાજનક / મુકેશ અંબાણીના ઘરની બહાર મળેલી કારમાં 20 જિલેટિનની સ્ટીક, નંબર પ્લેટ અંબાણીના કાફલાની કાર સાથે મેચ

• શંકાસ્પદ એસયૂવી કારમાંથી જિલેટિનની સ્ટિક 
• બોમ્બ સ્ક્વોર્ડ પણ સ્થળ પર પહોંચી ગઈ છે
• કારમાંથી મળેલી કેટલીક નંબર પ્લેટ મુકેશ અંબાણીના કાફલાની કાર સાથે મેળ ખાય છે

શંકાસ્પદ એસયૂવી કારમાંથી જિલેટિનની સ્ટિક 

મુંબઈ પોલીસની સાથે સાથે એટીએસની ટીમ, ડોગ સ્ક્વોર્ડ અને એન્ટી બોમ્બ સ્ક્વોર્ડ પણ સ્થળ પર પહોંચી ગઈ છે.  તમામ એજન્સી કારની તપાસ કરી રહી છે. આ દરમિયાન શંકાસ્પદ એસયૂવી કારમાંથી જિલેટિનની સ્ટિક ઉપરાંત કેટલીક નંબર પ્લેટ મળી આવી છે.  જેને લઈને તપાસ એજન્સીએ ચિંતા વ્યક્ત  કરી છે. આ વિસ્તાર ગામદેવી પોલીસ સ્ટેશનની હદમાં આવે છે. 

કારમાંથી મળેલી કેટલીક નંબર પ્લેટ મુકેશ અંબાણીના કાફલાની કાર સાથે મેળ ખાય છે

મુકેશ અંબાણીના ઘરની બહાર મળેલી શંકાસ્પદ કારના સમાચારે મુંબઈ પોલીસ અને સુરક્ષા એજન્સીઓના હોશ ઉડાડી દીધા છે. તમામ એજન્સીઓની ટીમ જ્યારે સ્થળ પર પહોંચી ત્યારે શંકાસ્પદ કારમાંથી જિલેટિનની સાથે કેટલીક નંબર પ્લેટ મંળી હતી. તપાસ અધિકારી ત્યારે હેરાન થઈ ગયા જ્યારે ખબર પડી કે કારમાંથી મળેલી કેટલીક નંબર પ્લેટ પર રહેલા નંબર મુકેશ અંબાણીના કાફલાની કાર સાથે મેળ ખાય છે. હવે પોલીસ અને એટીએસ આ મામલાની આતંકી એંગલથી તપાસ કરી રહી છે.

સ્કોર્પિયો કારના ડ્રાઈવર તેને ત્યાં છોડીને જતો રહ્યો હતો

અધિકારીઓને મળેલી જાણકારીઓથી ખુલાસો થયો છે કે બુધવારે રાતે 1 વાગે લગભગ સ્કોર્પિયો કાર ત્યાં ઉભી હતી. ત્યાં બીજા 2 વાહનો પર પણ જોવા મળ્યા હતા. જેમાં સ્કોર્પિયો અને એક ઈનોવા પણ હતા. સ્કોર્પિયો કારના ડ્રાઈવર તેને ત્યાં છોડીને જતો રહ્યો હતો. 

એટીએમની ટીમ, ડોગ સ્ક્વોર્ડ અને એન્ટી બોમ્બ સ્ક્વોર્ડન પણ  તપાસમાં

શંકાસ્પદ કારની સૂચના અંબાણીના ઘરે સુરક્ષામાં તૈનાત કર્મીઓએ સ્થાનીક પોલીસને આપી હતી. આ બાદ પોલીસ ઘટના સ્થળે પહોંચી. અને તેમણે એટીએસની ટીમ, ડોગ સ્ક્વોર્ડ અને એન્ટી બોમ્બ સ્ક્વોર્ડન પણ બોલાવી લીધી. મહારાષ્ટ્રના ગૃહ મંત્રી અનિલ દેશમુખે કહ્યું કે મુંબઈમાં મુકેશ અંબાણીના ઘર પાસે જિલેટિન સહિત એક કાર મળી છે. 

 આની પાછળ કોઈ આતંકી ષડયંત્ર તો નથી ને...

આ  ઘટના બાદ મુકેશ અંબાણીના ઘરની સુરક્ષા વધારી દેવામાં આવી છે. તેમજ ત્યાં મુંબઈ પોલીસની સાથે સાથે પોલીસ કમાન્ડોઝ પણ તૈનાત કરવામાં આવ્યા છે.  મુંબઈ પોલીસની ક્રાઈમ બ્રાન્ચ ટીમ આની તપાસ કરી રહી છે. કે આની પાછળ કોઈ આતંકી ષડયંત્ર તો નથી ને.