IPL 2022 / ધોનીની મહેનત એળે ગઈ! મુંબઈ ઈન્ડિયન્સે ચેન્નઈ સુપર કિંગ્સને 5 વિકેટથી હરાવ્યું, CSK ટૂર્નામેન્ટથી થઇ બહાર

• મુંબઈ ઈન્ડિયન્સે ચેન્નઈ સુપર કિંગ્સને 5 વિકેટથી હરાવ્યું
• ટૂર્નામેન્ટથી બહાર થઈ CSK
• માત્ર 97 રનમાં આઉટ થઇ ગઇ ચેન્નઈ સુપર કિંગ્સ

ગુરૂવારે રમાયેલી મેચમાં મુંબઈએ ચેન્નઈને 5 વિકેટથી હરાવીને ટૂર્નામેન્ટની બહારનો રસ્તો બતાવી દીધો. ચેન્નઈએ મુંબઈને માત્ર 98 રનનો ટાર્ગેટ આપ્યો હતો, જેના જવાબમાં મુંબઈએ તેને 15 ઓવરમાં જ હાંસલ કરી લીધો.

Match 59. Mumbai Indians Won by 5 Wicket(s) https://t.co/c5Cs6Dq7TK #CSKvMI #TATAIPL #IPL2022

— IndianPremierLeague (@IPL) May 12, 2022

મુંબઈ ઇન્ડિયન્સે 98 રન સુધી પહોંચવા માટે પણ 5 વિકેટ ગુમાવી હતી, મુંબઈએ માત્ર 33ના સ્કોર પર 4 વિકેટ ગુમાવી દીધી હતી. તેવામાં એક સમયે લાગ્યું કે અહીં પર મેચ ફંસાઈ શકે છે, પરંતુ મુંબઈના 2 યુવાન બેટ્સમેન તિલક વર્મા-ઋતિક શૌકીને પોતાની ટીમે પોતાની સારી ભાગીદારી કરી.

મુંબઈ ઈન્ડિયન્સના કેપ્ટન રોહિત શર્માએ આ મેચમાં 18 રન બનાવ્યા જ્યારે ઈશાન કિશન ફરી નિષ્ફળ રહ્યા અને 6 રન જ બનાવી શક્યા. તેમની સિવાય ડેનિએલ સેમ્સ 1 રન, ડેબ્યૂ કરી રહેલા ટ્રિસ્ટન સ્ટબ્સ 0 રને આઉટ થયા.

માત્ર 97 રનમાં આઉટ થઇ ગઇ ચેન્નઈ સુપર કિંગ્સ
ઇન્ડિયન પ્રીમિયર લીગની 2 સૌથી મોટી ટીમો વચ્ચે ગુરૂવારે મેચ રમાઈ. પહેલા બેટિંગ કરવા ઉતરેલી ચેન્નઈએ 40 રનમાં પોતાની 6 વિકેટ ગુમાવી દીધી હતી. છેલ્લે ટીમ માત્રા 97 રને ઓલઆઉટ થઇ ગઇ. ચેન્નઈએ 20 ઓવર પણ ન રમી શકી અને 15.6 ઓવરમાં ઇનિંગ પૂર્ણ થઇ ગઇ.

એક તરફથી જ્યારે ટીમની વિકેટ સતત પડી રહી હતી, ત્યારે ધોની એક ટકી રહ્યા. મહેન્દ્રસિંહ ધોનીએ કુલ 36 રનોની ઇનિંગ રમી, જેમાં 4 ચોગ્ગા અને 2 છગ્ગા સામેલ હતા. ધોનીએ ઇનિંગને અંત સુધી લઇ જવાનો પ્રયત્ન કર્યો. પરંતુ 16મી ઓવરના છેલ્લા બોલ પર સ્ટ્રાઇક લેવાના ચક્કરમાં જ્યારે ધોની દોડ્યા, તો વિકેટકીપરે મુકેશ ચૌધરીને રનઆઉટ કરી દીધા.