ક્રિકેટ ખેલાડીઓ ઘણીવાર અભિનેત્રીઓ, મોડેલોના પ્રેમમાં પડે છે. પરંતુ દક્ષિણ આફ્રિકાના કેપ્ટન ક્વિન્ટન ડી કોકને એક ચીયરલિડર સાથે પ્રેમ થઈ ગયો.
દક્ષિણ આફ્રિકાના કેપ્ટન ક્વિન્ટન ડી કોકને એક ચીયરલીડર સાથે પ્રેમ થઈ ગયો અને તેણે પોતાના પ્રેમને લગ્ન સંબંધમાં ફેરવી નાખ્યો. ડીકોકની પત્નીનું નામ સાશા હર્લી છે અને તે વ્યવસાયથી ચીયરલીડર તરીકે કાર્યરત છે.
ડી કોક અને સાશાની પ્રેમ કહાની એકદમ ફિલ્મો જેવી છે. તેઓને ક્રિકેટના મેદાનમાં જ પ્રેમ થઇ ગયો. વર્ષ 2012માં જયારે સાઉથ આફ્રિકાની ટીમ અને IPLની ટીમ મુંબઈ ઇન્ડિયન્સ વચ્ચે ચેમ્પિયન્સ લીગ ટી20નો મુકાબલો યોજાયો ત્યારે ડી કોક હાઇવેલ્ડ લાયન્સ ટીમના ખેલાડી હતા અને તેમની ટીમે મુંબઈ ઇન્ડિયન્સને હરાવી દીધી હતી.
આ જીત પછી સાશાએ તેના ફેસબુક પર ડી કોકને અભિનંદન પાઠવ્યા હતા અને અહીંથી બંને વચ્ચે પ્રેમ પાંગર્યો હતો.
ડી કોક અને સાશાએ આ પછી એકબીજાને 3 વર્ષ સુધી ડેટ કર્યા હતા અને પછી 2015માં બંનેએ સગાઇ કરી દીધી હતી. સગાઈ પછી ડી કોકે સાશાને ક્રિસમસ ઉપર મર્સીડીઝ કાર ભેટ આપી હતી.
19 સપ્ટેમ્બર 2016ના રોજ ક્વિટન ડિ કોકે સાશા સાથે લગ્ન કરી દીધા હતા. નોંધનીય છે કે ડી કોક અને સાશા બંને ડોગ લવર છે અને દંપતિએ 2 કુતરા પાળ્યા છે. આ ઉપરાંત તેમને માછલી પકડવાનો પણ શોખ છે.