ટીમ ઇન્ડિયાનો કેપ્ટન રોહિત શર્મા ઘણાં વર્ષોથી મુંબઈ ઈન્ડિયન્સનું નેતૃત્વ સંભાળી રહ્યો છે. આ ફ્રેંચાઇઝીની માલિકી મૂકેશ અંબાણીની કંપની રિલાયન્સ ઇન્ડસ્ટ્રીઝ લિ. પાસે છે.
સૌથી મોંઘી આઈપીએલ ફ્રેન્ચાઈઝી બની મુંબઈ ઈન્ડિયન્સ
ઘણા વર્ષોથી રોહિત શર્મા છે તેના કેપ્ટન
અંબાણીની રિલાયન્સ પાસે છે મુંબઈ ઈન્ડિયનસ્ની માલિકી
મુંબઈ ઇન્ડિયન્સે સૌથી વધુ પાંચ વાર આઇપીએલ ખિતાબ પોતાના નામે કર્યો છે. આઇપીએલની આ ટીમ હંમેશાં સ્ટાર અને મોટા નામથી સજ્જ ટીમ છે. ટીમ ઇન્ડિયાનો કેપ્ટન રોહિત શર્મા ઘણાં વર્ષોથી આ ટીમનું નેતૃત્વ સંભાળી રહ્યો છે. આ ફ્રેંચાઇઝીની માલિકી મૂકેશ અંબાણીની કંપની રિલાયન્સ ઇન્ડસ્ટ્રીઝ લિ. પાસે છે. આ ફ્રેંચાઇઝી હંમેશાં સમાચારોમાં હેડલાઈન્સમાં હોય છે. એ જ કારણ છે કે મુંબઈ ઇન્ડિયન્સ ભારતની સૌથી મૂલ્યવાન સ્પોર્ટ્સ ફ્રેંચાઇઝી છે.
વેલ્યૂએશનમાં વધારો
એક ગ્લોબલ બ્રાંડ વેલ્યૂએશન કંપનીના સર્વેક્ષણ પ્રમાણે આઇપીએલની સૌથી સફળ ટીમ મુંબઈ ઇન્ડિયન્સ ભારતમાં મોસ્ટ વેલ્યૂએબલ ફ્રેંચાઇઝીના રૂપમાં ફરી એક વાર સામે આવી છે. ગ્લોબલ બ્રાન્ડ વેલ્યૂએશન એજન્ટી બ્રાન્ડ ફાઇનાન્સના તાજેતરના રિપોર્ટ અનુસાર મુંબઈ ઇન્ડિયન્સના મૂલ્યમાં 2021ની સરખામણીએ 4%નો વધારો થયો છે.
આ સર્વેક્ષણમાં મુંબઈ ઇન્ડિયન્સનું મૂલ્ય 83 મિલિયન અમેરિકન ડોલર આંકવામાં આવ્યું છે. બ્રાન્ડ સ્ટ્રેન્થ રેટિંગમાં તેને AA-પ્લસ કેટેગરીમાં રાખવામાં આવી છે. મુંબઈ ઇન્ડિયન્સની બ્રાન્ડ સ્ટ્રેન્થ ઇન્ડેક્સ (બીએસઆઇ) પણ 100માંથી 70 ૫ના મજબૂત સ્તર પર છે.
પોતાના ગ્રોથને સતત જાળવી રાખ્યો
દર વર્ષે મુંબઈ ઇન્ડિયન્સે ભારતીય અને ગ્લોબલ બ્રાન્ડ્સ વચ્ચે સમાન રીતે પોતાના ગ્રોથને સતત જાળવી રાખ્યો છે. મુંબઈ ઇન્ડિયન્સ પાસે હંમેશા માર્કી અને ગ્લોબલ બ્રાન્ડ્સનું એક મજબૂત મિક્સ્ચર રહ્યું છે, જેમાં ડીએચએલ, ટીમ વ્યૂઅર અને કેડબરી મિલ્કની સાથે સાથે સ્લાઇસ જેવી નવી બ્રાન્ડ પણ સામેલ છે, જે મુંબઈ ઇન્ડિયન્સની મજબૂત પહોંચ અને કસ્ટમર રિલેશનનું ફળ છે.
બ્રાન્ડ ફાઇનાન્સના જણાવ્યા અનુસાર મુંબઈ ઇન્ડિયન્સે 2009 બાદથી 99 ટકાના ગ્રોથ સાથે છેલ્લાં કેટલાંક વર્ષોમાં પોતાની બ્રાન્ડ વેલ્યૂને લગભગ બેવડી કરી લીધી છે. આ ઉચ્ચ માપદંડવાળી બ્રાન્ડની સાથે ફ્રેંચાઇઝીના વિશ્વાસ અને મજબૂત બ્રાન્ડ પાર્ટનર પોર્ટફોલિયોને દર્શાવે છે કે જે ભૌગૌલિક ક્ષેત્રો સુધી સીમિત નથી.