બોલિવૂડ / કંગનાને રાહત, BMCનું બુલડોઝર ચાલ્યા પછી મુંબઇ હાઇકોર્ટ દ્વારા કાર્યવાહી પર રોકનો આવ્યો આદેશ

• કંગનાની ઑફિસ પર BMCની કાર્યવાહી
• હાઇકોર્ટ દ્વારા કંગનાને મળી મોટી રાહત
• બોલિવૂડમાં એક બાદ એક મોટી ઘટના

આ પહેલા બીએમસીએ કંગનાની ઑફિસના એક હિસ્સાને ગેરકાયદેસર બાંધકામ કહીને તોડફોડ કરી હતી. અઢી કલાક બીએમસીના લોકોએ હથોડા દ્વારા તોડફોડ કરી હતી. કંગના રનૌત અઢી વાગ્યાની આસપાસ મુંબઇ પહોંચશે. 

કંગનાની ઑફિસ તોડવાનુ ષડયંત્ર મગળવારથી જ શરૂ થઇ ગયુ હતુ. કાલે બીએમસીના અધિકારીઓએ કંગનાને નોટિસ પણ આપી હતી. તેને જે નોટિસ આપવામાં આવી હતી તેમાં કહેવામાં આવ્યુ છે કે ગ્રાઉન્ડ ફ્લોરના ટોયલેટને ગેરકાયદેસર રીતે રૂમ બનાવવામાં આવ્યો છે અને રસોડુ પણ બનાવવામાં આવ્યું છે. તે સિવાય પેન્ટ્રી, ટોયલેટ, કેબિન, પૂજાનો રૂમ સહિત ઘણી વસ્તુનુ બાંધકામ ગેરકાયદેસર રીતે કરવામાં આવ્યું છે. 

કંગનાનો બંગલો મુંબઇ ઉપનગર જિલ્લામાં આવે છે. કંગનાએ આ બંગલો ત્રણ વર્ષ પહેલા ખરીદ્યો હતો, જેની કિંમત 20 કરોડ રૂપિયા હતી. આ બંગલો ગ્રાઉન્ડ ફ્લોર સહિત 2 માળનો છે, જેને ઑફિસનુ નામ આપવામાં આવ્યું છે. 

565 સ્વેરફીટનુ એડિશનલ પાર્કિંગ ખરીદવામાં આવ્યુ છે. શબનમ ગુપ્તાએ તેને ડિઝાઇન કર્યુ છે અને કુલ 48 કરોડ રૂપિયા ખર્ચવામાં આવ્યા છે.