હવામાન / મોડી રાતે ગુજરાતમાં અહીં મેઘરાજાએ કર્યા શ્રીગણેશ, મુંબઈમાં પણ ભારે વરસાદ

મુંબઇમાં ભારે પવન અને ગાજવીજ સાથે વરસાદ

Mumbai International Airport Limited (Mumbai Airport) Spokesperson: Visibility has gone down due to heavy rains, operations have been put on hold. United Airlines Newark to Mumbai flight has been diverted to Delhi.

— ANI (@ANI) June 10, 2019

એક તરફ કાળઝાળ ગરમીથી લોકો ત્રાહિમામ પોકારી ગયા છે, ત્યારે હવે મુંબઈમા વરસાદ પડતા લોકોને ગરમીથી આંશિક રાહત ચોક્કસ મળી છે. ત્યારે આજે મોડી રાતે પણ વરસાદ પડતા મુંબઇગરાઓમાં ખુશીનો માહોલ જોવા મળ્યો હતો. આપને જણાવી દઇએ કે, મુંબઈના બાન્દ્રા, દાદર સહિત પરા વિસ્તારમાં વરસાદ પડ્યો હતો.  ભારે પવન અને ગાજવીજ સાથે વરસાદથી મુંબઇવાસીઓ ઝુમી ઉઠ્યા હતા. 

Mumbai: People play in the rain outside as heavy showers lash different parts of the city. #Maharashtra pic.twitter.com/M1ZsbMQeCW

— ANI (@ANI) June 10, 2019

મુંબઇ બાદ ગુજરાતમાં વરસાદ 
સૂર્યદેવના આકરા પ્રકોપથી ગુજરાત પરેશાન થઇ રહ્યું છે અને વરસાદ આવવાની રાહ જોઇને લોકો બેઠા છે ત્યારે મોડી રાતે મુંબઇમાં થયેલ વરસાદ બાદ ડાયમંડ નગરી ગણાતા સુરત શહેરમાં વરસાદનું આગમન થયું હતું. શહેરના જાણીતા વેસુ VIP રોડ પર ધીમીધારે વરસાદ શરૂ થતાં આસપાસના વાતાવરણમાં ઠંડક ફેલાઇ હતી. 

એક તરફ ગુજરાતના કેટલાક જિલ્લાઓમાં તાપમાન 45 પહોંચ્યું છે ત્યારે સુરતમાં વરસાદની શરૂઆત થતાં ગુજરાતમાં ટૂંક સમયમાં વરસાદ થવાની આશા નાગરિકોને  બંધાઇ હતી. 

હવામાન વિભાગની આગાહી
હવામાન વિભાગનું માનીએ તો ગુજરાતમાં 13 જૂને ચોમાસુ બેસી શકે છે. અરબી સમુદ્રમાં સર્જાયેલું હવાનું હળવું દબાણ (લૉ પ્રેશર સિસ્ટમ) ચક્રવાતમાં પરિવર્તિત થવાની શક્યતાને પગલે હવામાન વિભાગે આગામી 12 અને 13 જૂન કચ્છ, સૌરાષ્ટ્ર અને દક્ષિણ ગુજરાતના દરિયાઇ કાંઠા વિસ્તારમાં વરસાદની આગાહી કરી છે.

એટલું જ નહીં, આ દરમિયાન સુરત સહિત સમગ્ર દક્ષિણ ગુજરાતમાં 35થી 40 કિ.મીની ઝડપે પવન ફૂંકાઈ શકે છે. આ હળવા દબાણને પગલે આગામી બે દિવસમાં ઉત્તર-પશ્ચિમી રાજ્યો તરફ આગળ વધીને ચક્રવાતમાં પરિવર્તિત થશે.

તમને જણાવી દઇએ કે, સૌરાષ્ટ્ર-કચ્છમાં 11 જૂનથી વાતાવરણમાં પલટો થશે. 12 અને 13 જૂને સૌરાષ્ટ્ર-કચ્છમાં ભારે વરસાદની આગાહી હવામાન વિભાગ દ્વારા કરવામાં આવી છે. હાલમાં મધ્ય પૂર્વ અરબી સમુદ્ધમાં લો પ્રેશર આકાર પામી રહ્યું છે. ધીરે ધીરે લો પ્રેશર ઉત્તર-પૂર્વ દિશામાં મહારાષ્ટ્ર તરફ આગળ વધશે.