મુંબઇ / લગ્નનાં કાર્ડમાં વોટ માંગવું પડ્યું ભારે, આચારસંહિતાનાં ઉલ્લંઘનને લઇ દુલ્હાની ધરપકડ

 

પારનેલ તહેસીલનાં નિગોઝ ગામનાં ફિરોઝ શેખને લગ્નનાં કાર્ડમાં ભાજપના ઉમેદવાર માટે વોટ માગવાનું ભારે પડયું. આચારસંહિતાના ઉલ્લંઘન કેસમાં તેની ધરપકડ પણ કરાઇ. તેણે પોતાના વેડિંગ કાર્ડમાં લખ્યું હતું કે, ‘મારા વેડિંગ કાર્ડમાં મને કોઇ ભેટ ન આપતા, પરંતુ સારા સમય માટે ડો.સુજયદાદા વીખે પાટીલને જરૂર મત આપજો. તેઓ અહમદનગરથી ભાજપના ઉમેદવાર છે.’

 


રિટાયર્ડ પોસ્ટમાસ્તરઃ
અલાઉદ્દીન શેખના પુત્ર ફિરોઝનાં નિકાહ ૩૧ માર્ચે થયાં હતાં. તેઓ જ્યાં પણ લગ્નનું કાર્ડ આપવા જાય ત્યાં વીખેને વોટ આપવાની અપીલ કરતા હતા. આ કેસ ચર્ચામાં આવ્યો તો ચૂંટણી અધિકારીના ધ્યાનમાં તે વાત આવી. નિકાહનું આમંત્રણ કાર્ડ વીખે સમર્થકોએ સોશિયલ મીડિયા પર પોસ્ટ કર્યું હતું. એસડીએમ અને સહાયક ચૂંટણી અધિકારી વિશાલ તાનપુરેના આદેશ પર પોલીસ અધિકારી શાન મોહંમદ શેખે ફિરોઝ વિરુદ્ધ પારનેલ પોલીસ મથકમાં આચારસંહિતાના ઉલ્લંઘનનો કેસ દાખલ કર્યો. પોલીસે ફિરોઝની ધરપકડ કરી. બાદમાં કોર્ટે તેને જામીન પર છોડી દીધો.