મહારાષ્ટ્ર / મુંબઈમાં ભારે વરસાદથી અનેક વિસ્તારો પાણીમાં ગરકાવ, યેલો એલર્ટ જાહેર, જુઓ વીડિયો

Maharashtra Rain : ચોમાસાના વિદાયની વાતો વચ્ચે મહારાષ્ટ્રના કેટલાક જિલ્લામાં ભારે પવન સાથે વરસાદ પડ્યો છે. વિગતો મુજબ મુંબઇના અનેક વિસ્તારમાં ધોધમાર વરસાદ વરસ્યો છે. આ તરફ ભારે વરસાદને કારણે ઠેર-ઠેર પાણી ભરાયા છે. મહારાષ્ટ્રના ઠાણે, પાલઘર સહિત અનેક વિસ્તાર પાણી-પાણી થઈ ગયો છે. આ સાથે હવે ભારે વરસાદની આગાહીને લઇને યેલો એલર્ટ જાહેર કરાયું છે.

ગુરુવારે સાંજે મુંબઈમાં ભારે વરસાદ પડ્યો હતો. વાવાઝોડા સાથે ભારે વરસાદને કારણે મુંબઈના ઘણા વિસ્તારોમાં પાણી ભરાઈ ગયા હતા. સૌથી મોટી સમસ્યા થાણે અને પાલઘરના વિસ્તારોમાં થઈ છે. અચાનક પડેલા વરસાદને કારણે જનજીવન ખોરવાઈ ગયું હતું. મુંબઈમાં યલો એલર્ટ જાહેર કરવામાં આવ્યું છે.

ગુરુવારે સાંજે મુંબઈમાં ફરી એકવાર હવામાનમાં અચાનક પલટો આવ્યો હતો. અચાનક પડેલા વરસાદને કારણે જનજીવન પ્રભાવિત થયું હતું. અનેક જગ્યાએ પાણી ભરાવાના કારણે લોકોને મુશ્કેલીનો સામનો કરવો પડ્યો હતો. વરસાદના કારણે સેન્ટ્રલ લાઇન પર દોડતી મુંબઈ લોકલને પણ અસર થઈ હતી. પ્રાદેશિક હવામાન કેન્દ્રે આગામી બે-ત્રણ કલાક સુધી વરસાદની આગાહી કરી છે. જેમાં નાસિક અને રાયગઢ જિલ્લામાં ઓરેન્જ એલર્ટ જારી કરવામાં આવ્યું છે.

વધુ વાંચો : PAN કાર્ડથી લઈને ફોન નંબર.. ઈન્સ્યોરન્સ કંપનીના 30000000 થી વધારે યુઝર્સના ડેટા લીક

ગયા મહિને મહારાષ્ટ્ર અને ગુજરાત સહિત દેશના આઠ રાજ્યોના ઘણા ભાગોમાં ભારે વરસાદની અસર થઈ હતી. ગુજરાતમાં અનેક જિલ્લાઓમાં ભારેથી અતિ ભારે વરસાદ નોંધાયો હતો. તે જ સમયે, 110 કિલોમીટરની ઝડપે ફૂંકાતા પવનને કારણે 300 થી વધુ વૃક્ષો ધરાશાયી થયા હતા અને ઘણી જગ્યાએ ઇલેક્ટ્રિક થાંભલા પણ પડી ગયા હતા. મુંબઈમાં વરસાદ સંબંધિત ઘટનાઓને કારણે છ લોકોએ જીવ ગુમાવ્યા છે. મહારાષ્ટ્રમાં હવામાન એટલું ખરાબ છે કે વડા પ્રધાન નરેન્દ્ર મોદીનો પૂણેમાં પ્રસ્તાવિત કાર્યક્રમ રદ કરવો પડ્યો હતો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ