મુંબઈના ઘાટકોપર વિસ્તારમાં આવેલ એક ફેક્ટરીમાં શુક્રવાર મોડી સાંજે ભીષણ આગ લાગી હતી. આગ પર કાબૂ મેળવવા માટે ઘટનાસ્થળે ફાયર વિભાગની 15 ગાડીઓ પહોંચી છે.
મુંબઈના ઘાટકોપર વિસ્તારમાં આવેલ એક ફેક્ટરીમાં લાગી આગ
ઘટનાસ્થળે ફાયર વિભાગની 15 ગાડીઓ પહોંચી
ભીડવાળો વિસ્તાર હોવાના કારણે આગ બુઝાવવામાં તકલીફ
ફાયર વિભાગના જણાવ્યા અનુસાર, અસલ્ફા બામ્બૂ ગલ્લીમાં આ લેવલ ત્રણની આગ છે. ભીડવાળો વિસ્તાર હોવાના કારણે આગ બુઝાવવામાં તકલીફ આવી રહી છે. જણાવી દઇએ કે આ વિસ્તારમાં અનેક નાની ફેક્ટરીઓ છે.
આ ઘટનાના પગલે ફેક્ટરીમાં હાજર લોકોમાં ભાગદોડ મચી ગઇ હતી. તાત્કાલીક તેને બહાર નિકાળવામાં આવી રહ્યા છે. અત્યાર સુધીમાં કોઇ જાનહાનીના સમાચાર સામે નથી આવ્યા. રાહત અને બચાવ કામગીરી શરૂ છે.
Maharashtra: Fire fighting operation underway at the factory in Ghatkopar, Mumbai; 15 fire tenders at the spot. pic.twitter.com/oUOmJTsq96
ઉલ્લેખનીય છે કે, ગત દિવસોમાં ઘાટકોપરમાં એક બિલ્ડિંગમાં આગ લાગી હતી. ફાયર વિભાગના કર્મચારીઓએ સમય રહેતા બિલ્ડિંગમાં હાજર લોકોને સુરક્ષિત બહાર કાઢવામાં આવ્યા હતા. ચાર ફાયર વિભાગના વાહનોને બે કલાકની અંદર આગ પર નિયંત્રણ મેળવી લેવાયો હતો.
મહત્વનું છે કે, દિલ્હીના સદર બજારમાં એક બિલ્ડિંગમાં આગ લાગી હતી. ફાયરવિભાગની 6 ગાડીઓ ઘટનાસ્થળે પહોંચી આગ પર કાબૂ મેળવવાની કામગીરી હાથ ધરાઈ હતી.