મુંબઇ: ચેમ્બુર સ્થિત ભારત પેટ્રોલિયમ પ્લાન્ટમાં વિસ્ફોટ ફાયર બ્રિગેડની 7 ગાડીઓ દોડી

મુંબઇ: બુધવારે મુંબઈમાં ચેમ્બુર ખાતે આવેલ ભારત પેટ્રોલિયમ પ્લાન્ટ (BPCL) મોટો ધડાકો થયો હતો. આ વિસ્ફોટ એટલો ભયંકર હતો કે તેનો અવાજ બે-ત્રણ કિલોમીટર દૂર-દૂર અવાજ સંભળાયો હતો. જો કે અત્યાર સુધી આ ઘટનામાં કોઇ જાનહાનિની કોઈ માહિતી નથી.

ઉલ્લેખનીય છે કે મુંબઇના ચેમ્બુર ખાતે ભારત પેટ્રોલિયમ પ્લાન્ટમાં આજરોજ અચાનક બ્લાસ્ટ થવાની ઘટના બનતા કામ કરતા લોકોમાં ભયનો માહોલ જોવા મળ્યો હતો આજુ બાજુના લોકો સહિત ભારત પેટ્રોલિયમ પ્લાન્ટ (BPCL)માં કામ કરતા લોકોમાં અફરાતફરીનો માહોલ સર્જાયો હતો. 

 

Mumbai: Fire breaks out at Bharat Petroleum plant in Mahul Chembur. Fire tenders at the spot.

— ANI (@ANI) 8 August 2018

આપને જણાવી દઇએ કે આ ઘટના અંગેની જાણકારી નજીકના ફાયર બ્રિગેડને કરવામાં આવતા 7 ફાયર ફાયટર લઇને જવાનો ઘટના સ્થળે જવા નીકળ્યા હતા અને આ સિવાય 2 ફોમ ટેંડર અને 2 ઝંબો ટેન્કરનો પણ સમાવેશ કરવામાં આવ્યો હતો. આ ઘટનાને પગલે સ્થાનિક લોકોમાં ભયનો માહોલ જોવા મળ્યો હતો. 

જો કે આ ઘટનાની જાણકારી મળતા આસપાસના લોકો પણ રાહત કાર્ય માટે પહોંચ્યા હતા. પ્લાન્ટમાં કામ કરી રહેલા લોકોને બચાવવા માટે રાહત કાર્ય યુધ્ધના ધોરણે શરૂ કરી દેવામાં આવ્યું હતુ. જો કે આ દુર્ઘટનામાં કોઇ જાનહાનિ થઇ હોવાનું સામે આવ્યું નહોંતું.