મુંબઈ: થાણેમાં એક શખ્સ દ્વારા બિટકોઇનમાં રોકાણ કરવાના બહાને 22 લાખની છેતરપિંડી કરવામાં આવી હતી. જે મામલે સાત લોકો સામે કેસ દાખલ કરવામાં આવ્યો છે.
સાત લોકો સામે કેસ તો નોંધાયો છે પરંતુ હજુ કોઇની ધરપકડ થઇ નથી. આ કેસ અંગે ખડકપાડા પોલીસ આ કેસની વધુ તપાસ કરી રહી છે. 45 વર્ષીય રધુવીરને તેના મિત્રએ જણાવ્યું હતું કે એક કંપની દ્વારા બિટકોઇનમાં રોકાણ કરનારને ઉચ્ચ વળતર મળે છે.
ત્યારબાદ મિત્રની વાત પર વિશ્વાસ કરીને રઘુવીરે કંપનીની બિટકોઇનની સ્કીમમાં ફેબુ્રઆરી 2017થી 22 લાખ 49 હજાર રૂપિયાનું રોકાણ કર્યું હતું. પણ કંપની સાથે સંકળાયેલા આરોપીઓએ રઘુવીરને રોકડ રકમ પાછી આપી નહોતી અને નાસી ગયા હતા જેથી પોલીસને જાણ કરવામાં આવી હતી.