મુંબઈ / CRPF હેડક્વૉર્ટરમાં આવેલા એક ઈમેલથી હડકંપ : BJPના બે મોટા નેતાઓને મારવાની ધમકી, સુરક્ષા એજન્સીઓ અલર્ટ

• અમિત શાહના જીવને ખતરો
• યોગી આદિત્યનાથ પણ નિશાને
• CRPFને મળ્યો ધમકીભર્યો મેઈલ
• ધાર્મિક સ્થળે બન્ને નેતાને મારવાની ધમકી

CRPFને મળ્યો ધમકીભર્યો એક ઈમેઈલ

મુંબઈમાં CRPF હેડક્વૉર્ટરમાં ધમકી ભરેલા ઈમેલથી હડકંપ મચી ગયો છે. આ ઈમેલમાં લખવામાં આવ્યું છે કે જાહેર જગ્યાઑ પર, મંદિરોમાં તથા એરપોર્ટ પર એક બાદ એક ધમાકા કરવામાં આવશે. મીડિયા અહેવાલ અનુસાર 4થી 5 દિવસ પહેલા આ ઈમેલ આવ્યો છે તથા CRPF થ્રેટ મેનેજમેન્ટ સિસ્ટમના માધ્યમથી E-મેલને NIA સહિત ગુપ્ત એજન્સીઓને સોંપી દેવામાં આવ્યો છે. હવે આ ઈમેલની તપાસમાં બધી એજન્સી લાગી ગઈ છે. 

ગૃહમંત્રી અમિત શાહ અને યોગી આદિત્યનાથના જીવને ખતરો

આટલું જ નહીં દેશના ગૃહમંત્રી અને ઉત્તરપ્રદેશના મુખ્યમંત્રી યોગી આદિત્યનાથના જીવને પણ ખતરો હોવાનું સામે આવ્યું છે. ઈમેલમાં છેલ્લે લખવામાં આવ્યું છે કે અમે એક આર્મી છીએ. અમે માફ નથી કરતાં, અમે ભૂલતા નથી, અમારો ઇંતેજાર કરો. જાણકારી અનુસાર નેતાઑને ધાર્મિક સ્થાન જેવી જગ્યા પર જાનથી મારવાની ધમકી આપવામાં આવી છે. આ પહેલા પણ ગણતંત્ર દિવસ પર અમિત શાહને મારવાની ધમકી મળી આવી હતી. 

ભારતમાં આતંકી હોવાની ધમકી

આ ઈમેલમાં દેશની અંદર લશ્કર-એ-તૈયબા આતંકીઑ છુપાયા હોવાનો ઉલ્લેખ કરવામાં આવ્યો છે તથા 2 રાજ્યોમાં 200 કિલો હાઇગ્રેડ RDX હોવાની વાત પણ ઈમેલમાં કરવામાં આવી છે. ઈમેલમાં કહેવામાં આવ્યું છે કે 11થી વધારે આતંકી અને આત્મઘાતી હુમલાવરો દેશની અંદર એક્ટિવ છે. 

એજન્સીઓ થઈ દોડતી 

આ ધમકી બાદ દેશની તમામ એજન્સીઓ હાલ ટોન એક્ટિવ થઈ ગઈ છે અને ઈમેલ ક્યાંથી આવ્યો તેની તપાસ કરવામાં આવી છે. ગયા વર્ષે પણ ઓકટોબર મહિનામાં NIA કંટ્રોલ રૂમમાં આ પ્રકારનો એક ફૉનકોલ આવ્યો હતો. આ મામલાની તપાસ પણ હજુ ચાલી જ રહી છે ત્યાં ફરી એ જ પ્રકારની ધમકી મળી હોવાથી સુરક્ષા એજન્સીઓ અલર્ટ થઈ ગઈ છે.