મુંબઈ / બેટથી માથું ફોડ્યું! તલવારથી આંતરડા કાઢ્યા બહાર, ડ્રગ્સનો વિરોધ કરનારનું દર્દનાક મર્ડર

Mumbai Crime News: મુંબઈના બાંદ્રા વિસ્તારમાં ડ્રગ તસ્કરો દ્વારા 40 વર્ષીય વ્યક્તિની ક્રૂરતાથી હત્યા કરવામાં આવી હતી. મૃતકની ઓળખ શાકિર અલી તરીકે થઈ છે, જેના પર કેટલાક લોકોએ તીક્ષ્ણ હથિયારો વડે બળજબરીથી તેના ઘરમાં ઘૂસીને હુમલો કર્યો હતો. આ હુમલામાં બે લોકો ઘાયલ પણ થયા છે.

Mumbai Crime : મુંબઈથી એક ખૂબ જ ચોંકાવનારા સમાચાર આવ્યા છે. અહીં બાંદ્રા વિસ્તારમાં ડ્રગ તસ્કરોએ 40 વર્ષીય વ્યક્તિની ક્રૂરતાથી હત્યા કરી અને તેના પરિવારના બે સભ્યો પર હુમલો કરીને ઘાયલ કર્યા. એવું કહેવામાં આવી રહ્યું છે કે મૃતક કથિત રીતે સ્થાનિક ડ્રગ્સની દાણચોરીની પ્રવૃત્તિઓનો વિરોધ કરતો હતો. આ દુશ્મનાવટને કારણે તસ્કરોએ તેનો જીવ લીધો. આ ઘટના ગુરુવારે મોડી રાત્રે દરગાહ ગલી વિસ્તારમાં બની હતી.

બાંદ્રા પોલીસના જણાવ્યા અનુસાર મૃતકની ઓળખ શાકિર અલી તરીકે થઈ છે, જેના પર કેટલાક લોકોએ તીક્ષ્ણ હથિયારો વડે બળજબરીથી તેના ઘરમાં ઘૂસીને હુમલો કર્યો હતો. આ હુમલામાં તેની ભાભી શિરીન અને ભત્રીજા અફઝલ પણ ઘાયલ થયા હતા.

ધરપકડ કરાયેલા આરોપીઓનો ગુનાહિત રેકોર્ડ

પોલીસે આ સંદર્ભમાં ચાર લોકોની ધરપકડ કરી છે, ધરપકડ કરાયેલા વ્યક્તિઓની ઓળખ ઇમરાન પઠાણ, તેની પત્ની ફાતિમા ઝાકિર અલી ઉર્ફે કાયનાત, ઉસ્માન ઝાકિર અલી અને ઝાકિર અલી સેન્ડોલે તરીકે થઈ છે. રિપોર્ટ અનુસાર આરોપીઓનો બાંદ્રા વિસ્તારમાં ડ્રગ વિતરણ સહિત ગુનાહિત પ્રવૃત્તિઓનો ઇતિહાસ છે. પોલીસે જણાવ્યું હતું કે આરોપીઓ કથિત રીતે પીડિત શાકિર અલી સેન્ડોલેના ઘરમાં ઘૂસી ગયા હતા અને તેમના અને તેમના પરિવારના સભ્યો પર હુમલો કર્યો હતો. શાકીરનું અનેક વાર છરા મારવાથી મૃત્યુ થયું હતું, જ્યારે તેની ભાભી શિરીન અને ભત્રીજા અફઝલ ઘાયલ થયા હતા.

હુમલાનો માસ્ટરમાઇન્ડ

પોલીસ સૂત્રોના જણાવ્યા અનુસાર ઇમરાન પઠાણ અને તેની પત્ની ફાતિમા વિરુદ્ધ અનેક કેસ નોંધાયેલા છે અને તેઓ બાંદ્રામાં ડ્રગ્સ સપ્લાય કરતા હતા. પોલીસ આ મામલે વધુ તપાસ કરી રહી છે. દરમિયાન મૃતકની બહેન ફિરોઝાએ જણાવ્યું હતું કે, 'ડ્રગ્સ સ્મગલર સલમાન મલિક અને તેની પત્ની સોની પઠાણ દંપતીને ડ્રગ્સ પૂરા પાડતા હતા અને મારા ભાઈ શાકીરે દરગાહ ગલી વિસ્તારમાં ડ્રગ્સ સ્મગલીંગનો વિરોધ કર્યો હતો.' તેમણે કહ્યું કે પરિવારે અગાઉ પણ આરોપી વિરુદ્ધ ફરિયાદ નોંધાવી હતી. આ અંગે તેને સતત ધમકીઓ પણ મળી રહી હતી. તેમણે એવો પણ દાવો કર્યો હતો કે હુમલાના વાસ્તવિક માસ્ટરમાઇન્ડ સલમાન અને તેની પત્ની હતા.

આ પણ વાંચોઃ Viral / Video: માંડવામાં દુલ્હનને જોઈ પોક મૂકીને રડી પડ્યો દુલ્હો, આવતા જ ચૂમી લીધી, લોકોએ કહ્યું સાચો પ્રેમ

આંતરડા કાઢી નાખવામાં આવ્યા

એક સ્થાનિક ન્યૂઝ ચેનલ સાથે વાત કરતા ફિરોઝાએ હુમલાની ગંભીરતા વર્ણવતા દાવો કર્યો કે હુમલાખોરોએ તલવારો અને બેટનો ઉપયોગ કર્યો હતો, જેના કારણે તેના ભાઈને ગંભીર ઈજા થઈ હતી. તેમણે હુમલા વિશે જે કહ્યું તે વધુ ભયાનક છે. તેણે કહ્યું કે જ્યારે તે જમીન પર બેભાન થઈ ગયો, ત્યારે 'તેઓએ તલવારથી તેના આંતરડા કાઢી નાખ્યા અને બેટથી તેનું માથું કચડી નાખ્યું.' ફિરોઝાએ એવો પણ દાવો કર્યો હતો કે ખોટા બળાત્કારના કેસને લઈને પરિવારને હેરાન કરવામાં આવી રહ્યો હતો, જોકે પોલીસે હજુ સુધી આવા કોઈ કેસનો ઉલ્લેખ કર્યો નથી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ