મુંબઇ પોલીસની ક્રાઇમ બ્રાંચે જણાવ્યું કે 27 ફેબ્રુઆરીએ ઋતિકને હાજર થવું પડશે. આ કેસમાં ઋતિક અને કંગના બંનેએ કથિત રીતે એકબીજાને ઇમેઇલ્સ મોકલ્યા હતા.
2016નો છે આ કેસ
આ સમન વર્ષ 2016થી જોડાયેલા કેસમાં છે જેને બે મહિના પહેલા જ સીઆઇયુને ટ્રાંસફર કરી દેવામાં આવ્યા હતા. તે કેસમાં ફરિયાદી પણ ઋતિક રોશન જ છે. કંગનાથી જોડાયેલા આ કેસમાં પહેલા સાઇબર પોલીસ સ્ટેશન ઇન્વેસ્ટીગેશન કરી રહ્યુ હતુ. ઋતિક રોશને 5 વર્ષ પહેલા ફરિયાદ નોંધાવી હતી. કંગના સાથે જોડાયેલો આ વિવાદ ઘણા મહિના સુધી ખુબ જ ચર્ચામાં રહ્યો હતો અને બંનેએ એક બીજાને લીગલ નોટીસ પણ મોકલી હતી. માટે કંગનાનુ પણ સ્ટેટમેન્ટ લેવામાં આવે તેવી સંભાવના છે.
કેસ થયો ટ્રાંસફર
ઋતિક રોશનને વર્ષ 2013-14માં તેના મેલ આઇડી પર ઘણા બધા મેઇલ્સ આવ્યા હતા. પ્રસિદ્ધ વકીલ મહેશ જેઠમલાણીએ મુંબઇ કમિશ્નરને આ સંદર્ભમાં જ ડિસેમ્બર 2020માં એક પત્ર લખ્યો હતો કે આ કેસમાં કોઇ જ પ્રગતિ થઇ નથી. તે બાદ મુંબઇ પોલીસ કમિશ્નરે આ કેસ સાઇબર સેલને ટ્રાંસફર કરી દીધો હતો.
Maharashtra | Actor Hrithik Roshan has been summoned to appear before Crime Intelligence Unit of Mumbai Police Crime Branch on Feb 27 to record his statement in a case lodged against actress Kangana Ranaut involving exchange of emails between the two: Crime Branch
શું છે મામલો
કંગનાએ કથિત રીતે આરોપ લગાવ્યો હતો કે તે ઋતિક સાથે રિલેશનશીપમાં હતી અને તેણે લગ્ન કરવાથી ઇન્કાર કરી દીધો હતો. જે બાદ બંને વચ્ચે ઘણો સમય લીગલ નોટિસનો સિલસિલો ચાલુ રહ્યો હતો.