મુંબઇની એક કોર્ટે કોંગ્રેસના પૂર્વ અધ્યક્ષ રાહુલ ગાંધીને સમન્સ જાહેર કર્યું છે. કોર્ટે ભારતીય જનતા પાર્ટીના કાર્યકર્તા મહેશ શ્રીશ્રીમાલની અરજીને ધ્યાનમાં લેતા સમન્સ જારી કર્યું છે. રાહુલ ગાંધીએ એક રેલીમાં 'ચોકીદાર ચોર હે' નું સૂત્ર આપ્યું હતું, ત્યાર બાદ ભાજપના નેતાઓએ કોર્ટનો દરવાજો ખખડાવ્યો હતો.
રાહુલ ગાંધીને અપમાનજક ટીપ્પણી મામલે સમન્સ
વડાપ્રધાન મોદી પર કરી હતી અપમાનજનક ટીપ્પણી
ભાજપના કાર્યકર્તાએ દાખલ કર્યો હતો માનહાનિ કેસ
ભાજપના કાર્યકર્તા મહેશના જણાવ્યા અનુસાર વડાપ્રધાન નરેન્દ્ર મોદીને ચોર કહેવુ ખોટુ છે. આપણા દેશ માટે લોકો શું વિચારશે. ભાજપના કાર્યકર્તા મહેશે કહ્યું કે જ્યારે કોંગ્રેસના નેતા રાહુલ ગાંધીએ વડાપ્રધાન નરેન્દ્ર મોદીની ટીકા કરતાં 'કમાન્ડર ઇન થીફ' નામથી ટ્વિટ કર્યું હતું ત્યારે પણ દુઃખ થયું હતું.
ભાજપના કાર્યકર્તાઓએ રાહુલ ગાંધીના ભાષણની સીડી અને ન્યૂઝ પેપરનું કટિંગ કોર્ટમાં દસ્તાવેજ તરીકે રજૂ કર્યું છે. કોર્ટમાં દાખલ કરવામાં આવેલી અરજીમાં ભાજપના કાર્યકર્તાએ કહ્યું છે કે વડાપ્રધાન નરેન્દ્ર મોદીને લાઇવ ટીવી સ્ટ્રીમિંગ દરમિયાન 'કમાન્ડર ઇન થીફ' કહ્યું છે.
રાહુલ ગાંધીનું આ ભાષણ ઘણી બધી ન્યૂઝ ચેનલ તેમજ ન્યૂઝ પેપરમાં પ્રકાશિત થયું. એટલા માટે પાર્થી માનહાનિનો કેસ દાખલ કરવા ઇચ્છે છે. આ મામલે સુનાવણી કરતા કોર્ટે કહ્યું કે પાર્ટીનો સભ્ય હોવાના કારણે ફરિયાદી કોર્ટમાં અપીલ દાખલ કરવાનો અધિકારી છે.
કોર્ટે આદેશ કરતાં કહ્યું છેકે કથિત માનહાનિથી વડાપ્રધાન જ નહીં પરંતુ ભાજપના કાર્યકર્તાઓ પણ નારાજ થયા છે. ભારતીય દંડ સંહિતાની ધારા 500 હેઠળ આ મામલાની પ્રક્રિયા ચલાવવામાં આવી રહી છે.