કોવિડ ૧૯ / લોકડાઉનની ઈચ્છા તો નથી, પણ મજબૂરી, આ બહુ જ વિચિત્ર શબ્દ છે, જાણો કયા મુખ્યમંત્રીએ કહ્યું આવું

• મહારાષ્ટ્રના મુખ્યમંત્રી ઠાકરેએ આપ્યું નિવેદન 
• મહારાષ્ટ્રમાં છેલ્લા કેટલાક સમયથી કોરોનાના કેસોમાં વધારો જોવાઈ રહ્યો છે 
• મહારાષ્ટ્રમાં અમુક જગ્યાએ કોરોનાના લીધે લોકડાઉન જાહેર કરવામાં આવ્યું છે

મહારાષ્ટ્રમાં કોરોનાના વધતા જતા કેસોને જોતાં તંત્ર દ્વારા ઘણા વિસ્તારોમાં લોકડાઉન જાહેર કરવામાં આવ્યું છે. જલ્દીથી જ કોરોનાને વહેલી તકે નિયંત્રણમાં લેવા સરકાર પ્રયાસ કરી રહી છે. આ દરમિયાન મહારાષ્ટ્રના મુખ્ય પ્રધાન ઉદ્ધવ ઠાકરેએ લોકડાઉનને લઈને મોટું નિવેદન આપ્યું છે. તેઓએ કહ્યું છે કે અમારે લોકડાઉન લાદવાની ઇચ્છા નથી પરંતુ મજબૂરી હેઠળ તેને કરવું પડશે. મહારાષ્ટ્રના મુખ્ય પ્રધાને કહ્યું હતું કે લોકડાઉન શબ્દ ખૂબ વિચિત્ર છે. મેં સોશિયલ મીડિયા દ્વારા લોકોને માસ્ક પહેરવાનું કહ્યું અને લોકડાઉનને ના કહેવા અપીલ કરી હતી.

અમે લોકોને અપીલ કરી હતી : મુખ્યમંત્રી ઉદ્ધવ ઠાકરે 

મહારાષ્ટ્રમાં વધી રહેલા કોરોના સંક્રમણ અને લોકડાઉન વિશે પૂછતાં સીએમ ઠાકરેએ કહ્યું કે, અમને લોકડાઉન લાદવાની કોઈ ઇચ્છા નથી. પરંતુ મજબૂરી, આ શબ્દ ખૂબ જ વિચિત્ર છે. મેં સોશિયલ મીડિયા દ્વારા લોકોને માસ્ક પહેરવાનું કહ્યું અને લોકડાઉનને ના કહેવા કહ્યું હતું. "

આ સાથે જ મુખ્યમંત્રી ઉદ્ધવ ઠાકરેએ કહ્યું છે કે રાજ્યમાં લોકડાઉન હટાવવાની પ્રક્રિયા તબક્કાવાર રીતે અમલમાં મૂકવામાં આવશે. સીએમ ઠાકરેએ શનિવારે કહ્યું હતું કે કોવિડ -19નો ખતરો હજી પણ છે. તેમણે કહ્યું કે હું નથી ઇચ્છતો કે રાજ્યમાં સંક્રમણની બીજી લહેર જોવા મળે.

૮ માર્ચ સુધી અમુક જગ્યાએ લોકડાઉન લંબાવવામાં આવ્યું છે

મહત્વનું છે કે કોરોનાના સતત વધતા જતા કેસોને કારણે અમરાવતીમાં લોકડાઉન 8 માર્ચ સુધી લંબાવી દેવામાં આવ્યું છે. વધતા જતા કેસોને ધ્યાનમાં રાખીને આ વખતે અમરાવતી અને અચલપુર શહેરની સાથે અંજનગાવ સુરજી શહેરમાં પણ લોકડાઉન લદાશે તેમ જણાવાયું છે. અંજનગાવ સુરજી શહેરમાં લગાતાર કોરોના કેસો વધતાં હોવાને કારણે તેને કેન્ટોન્મેન્ટ ઝોન વિસ્તાર જાહેર કરવામાં આવ્યો છે. લોકડાઉનમાં સંચાલિત કરવા માટે ફક્ત આવશ્યક સેવાઓને જ મંજૂરી આપવામાં આવે છે. 

નોંધનીય છે કે અગાઉ 21 ફેબ્રુઆરીએ આ બંને શહેરોમાં એક અઠવાડિયા માટે લોકડાઉન લાગુ કરવામાં આવ્યું હતું. આ પછી જ્યારે આજે સ્થિતિની સમીક્ષા કરવામાં આવી હતી. સમીક્ષા દરમિયાન સરકારને જાણવા મળ્યું કે અમરાવતી જિલ્લા અને અચલપુરમાં ફરીથી લોકડાઉન વધાર્યું છે.