મુંબઈમાં કોરોના ધીમો પડ્યો છે. 45 દિવસમાં પહેલી વાર પોઝિટિવીટી રેટ સિંગલ ડિઝિટમાં પહોંચ્યો છે. હવે રોજના 5,000 થી પણ ઓછા કેસો આવી રહ્યાં છે.
મુંબઈમાંથી રાહત ભરી ખબર આવી છે
શહેરમાં કોરોના પોઝિટીવિટી રેટ શુક્રવારે 9.94 ટકા પર પહોંચી ગયો
મુંબઈમાં 45 દિવસ બાદ પોઝિટિવીટી રેટ સિંગલ ડિઝિટમાં
દેશનું નંબર વન કોરોના હોટસ્પોટ બનેલા મહારાષ્ટ્રના મુંબઈમાંથી એક સારી ખબર છે. મુંબઈમાં દોઢ મહિના બાદ કોરોના ધીમો પડ્યો છે. મુંબઈમાં હવે રોજના 5,000 કરતા પણ ઓછા કેસો આવી રહ્યાં છે જે ખૂબ જ સારો સંકેત છે.
પોઝિટીવિટી રેટ શુક્રવારે 9.94 ટકા પર પહોંચી ગયો
બીએમસીના અધિકારીઓએ જણાવ્યું કે શહેરમાં કોરોના પોઝિટીવિટી રેટ શુક્રવારે 9.94 ટકા પર પહોંચી ગયો હતો. શુક્રવારે બીએમસી વતી જારી કરવામાં આવેલા આંકડામાં જણાવાયું કે છેલ્લા ચોવીસ કલાકમાં 43,525 ટેસ્ટ કરાયા જેમાંથી 4328 પોઝિટીવ કેસ નીકળ્યાં.
13 માર્ચ 2021 ના દિવસે દૈનિક પોઝિટિવીટી રેટ 9.48 ટકા હતો
અધિકારીઓએ જણાવ્યું કે 13 માર્ચ 2021 ના દિવસે મુંબઈમાં કોરોનાનો દૈનિક પોઝિટિવીટી રેટ 9.48 ટકા હતો. આ રીતે લગભગ દોઢ મહિના બાદ ફરી એક વાર પોઝિટીવિટી રેટ સિંગલ ડિઝિટમાં આવ્યો છે. પોઝિટીવિટી રેટનો અર્થ કુલ થયેલા કોરોનાના ટેસ્ટમાં મળેલા પોઝિટીવ કેસોની સંખ્યા. મુંબઈમાં કોરોનાની બીજી લહેરે કેર વરસાવ્યો છે પરંતુ છેલ્લા થોડા દિવસથી નવા કેસોની ઝડપ ઓછી થઈ છે.
લક્ષણ વગરના શહેરમાં 85 ટકા નવા કોરોનાના કેસ
બીએમસી કમિશનર ઈકબાલ સિંહ ચહલે જણાવ્યું કે 44,000 ટેસ્ટિંગની સાથે અમારો પોઝિટીવીટી રેટ સિંગલ ડિઝિટમાં છે. તેમાં 85 ટકા કેસ લક્ષણ વગરના છે. આ રીતે જોઈએ તો સૌથી વધારે ટેસ્ટિંગ બાદ પણ સિંગલ ડિઝિટમાં પોઝિટિવીટી રેટ હોવો મહત્વનો છે.