મુંબઇ / CAAના વિરોધની વાત કરનાર શખ્સને પોલીસ સ્ટેશન લઈ જનાર કૅબ ડ્રાઈવર સાથે જુઓ ભાજપે શું કર્યુ

• CAA નું સમર્થન કરનારનું ભાજપે કર્યું સ્વાગત
• કૅબ ડ્રાઇવરે CAAનો વિરોધ કરનારને પહોંચાડ્યો હતો પોલીસ સ્ટેશન

લોઢાએ ટ્વીટ કર્યું હતું કે, રોહિત ગૌર... જેમણે સીએએ વિરૂદ્ધ રાષ્ટ્ર વિરોધી ષડયંત્ર રચી રહેલા ઉબેર ટેક્સીમાં સવાર મુસાફરને પોલીસના હવાલે કર્યો હતો, રોહિત ગૌરને સાંતાક્રુઝ પોલીસ સ્ટેશનમાં બોલાવીને મુંબઇની જનતા દ્વારા તેમનું સન્માન કર્યું હતું અને તેની તસવીરો પણ શેર કરી હતી. 

કૅબમાં સવાર યાત્રી કરી રહ્યો હતો CAA વિરોધી વાતો

रोहित गौर.... नागरिकता संशोधन कानून के खिलाफ राष्ट्र विरोधी षड्यंत्र कर रहे उबर टैक्सी यात्री को जिन्होंने पुलिस को सौंपा। रोहित गौर को सांताक्रुज पुलिस थाने में बुलाकर मुंबई की जनता की ओर से उनका अभिनंदन किया एवं अलर्ट सिटिज़न अवार्ड से सम्मानित किया। pic.twitter.com/hct3ReNjgK

— Mangal Prabhat Lodha (@MPLodha) February 8, 2020

જયપુરથી આવેલા બપ્પાદિત્ય 3 ફેબ્રુઆરીએ કાલા ઘોડા મહોત્સવમાં કવિ સંમેલનમાં ભાગ લેવા મુંબઇ આવ્યા હતા. તેમણે અહીં નાગપાડામાં સીએએ-એનઆરસી વિરોધી વિરોધ પ્રદર્શનમાં પણ ભાગ લીધો હતો. બુધવારે રાત્રે, જ્યારે તે ઉબેર કેબમાં મુસાફરી કરી રહ્યા હતો, ત્યારે તે કોઈને ફોન પર સીએએ વિરોધી દેખાવો અંગે વાત કરી રહ્યા હતો. ત્યારે તેમની વાત સાંભળી કૅબ ડ્રાઇવરે પોલીસકર્મીઓને બોલાવ્યા અને બપ્પાદિત્યની ધરપકડ કરવા તાકીદ કરી. તેને પોલીસ સ્ટેશન લઈ જવામાં આવ્યો હતો અને પૂછપરછ બાદ તેને છોડી મુકાયો હતો.

મુસાફરે આપ્યું નિવેદન 

ડ્રાઇવરે બપ્પાદિત્યને જણાવ્યું કે, તેને આભાર માનવો જોઇએ કે છે કે તે તેને પોલીસ સ્ટેશન લઈ ગયો નહીં કે બીજે ક્યાંય. બાદમાં બપ્પાદિત્ય ટિપ્પણી કરી હતી કે ડ્રાઇવરની આક્રમક વર્તન અને હિંસક ભાષા દેશના વર્તમાન વાતાવરણની ઝલક આપે છે. 

વુમન્સ એસોશિયનના સચિવ કવિતા કૃષ્ણને કરી ટ્વીટ 

ઓલ ઇન્ડિયા પ્રોગ્રેસિવ વુમન્સ એસોશિયનના સચિવ કવિતા કૃષ્ણને(Kavita Krishnan) ગુરૂવારે આ ઘટના વિશે ટ્વીટ કર્યું છે. કૃષ્ણન દ્વારા કરવામાં આવેલ ટ્વીટ અનુસાર, પોલીસે બપ્પાદિત્યને સલાહ આપી કે તે ડફલી સાથે ન રાખે કે પછી લાલ સ્કાર્ફ ન પહેરે કારણ કે, માહોલ ખરાબ છે અને કાંઇપણ થઇ શકે છે.