માનવતા / BESTની બસમાં બાળકની તબિયત બગડતા ડ્રાઇવરે બસ ખાલી કરાવીને કર્યું એવું કે લોકો કરી રહ્યા છે સેલ્યુટ

• મુંબઈના બસના ડ્રાઈવર અને કંડકટરે બાળકને બચાવવા કરી દોડધામ
• બસમાં 5 વર્ષનો બાળક અને તેની માં કરી રહ્યાં હતા મુસાફરી
• મુસાફરી દરમ્યાન બાળકની અચાનક તબિયત લથડી

એકાએક બસમાં બાળકની બગડી તબિયત

એક 5 વર્ષનો બાળક તેની માં સાથે BESTની બસમાં પ્રવાસ કરી રહ્યો હતો. અચાનક તેની તબિયત બગડી ગઇ હતી. એવામાં કંડકટર અને ડ્રાઈવર તાત્કાલિક એક્શનમાં આવ્યાં. તેમણે બસ ખાલી કરાવી અને પછી તેને સીધા ફેરવીને હોસ્પિટલ લઇ ગયા. કારણકે નિર્દોષને યોગ્ય સારવાર મળી શકે. જ્યારે તાનવી ગાવણકર નામની મહિલાએ ફેસબુક પર આ ઘટનાનો ઉલ્લેખ કર્યો તો લોકોએ કહ્યું કે તેમને વિશ્વાસ છે કે માનવતા જીવે છે.

સોશિયલ મીડિયામાં વાયરલ થઇ ઘટના 

તાનવી ગાવણકરે તેની પોસ્ટમાં લખ્યું, સામાન્ય રીતે હું પોતાના અનુભવ પર કોઈ પોસ્ટ લખતી નથી. પરંતુ આ વખતે હું પોતાને શેર કરતા ના રોકી શકી. આ ઘટના ગઈકાલે મુંબઈમાં શિવાજી પાર્કના ઠાકુર હોસ્પિટલમાં ઘટી. જ્યારે હું બપોરે લગભગ 1.30 વાગ્યે હોસ્પિટલમાંથી નિકળવાની હતી. તો મે જોયુ કે એક બસ કંડકટર અને ડ્રાઈવર અને બે થી ત્રણ લોકો હોસ્પિટલમાં ભાગી રહ્યાં છે. કંડકટરે એક નાના બાળકને ખોળામાં ઉપાડ્યો હતો અને એક લાચાર માતા રડી રહી હતી. 

અચાનક બગડી હતી બાળકની તબિયત 

જોતજોતામાં હોસ્પિટલનો સ્ટાફ બાળકની મદદ માટે દોડી પડ્યો. નર્સે બાળકને તાત્કાલિક પ્રાથમિક સારવાર આપી. કાઉન્ટર પર વાતચીત કર્યા બાદ મને સમજમાં આવ્યું કે માંની સાથે બસમાં મુસાફરી કરતી વખતે બાળકને સ્ટ્રોક આવ્યો અને તેની તબિયત ગંભીર રીતે બગડી. ડ્રાઈવરને જેવી આ વાતની ખબર પડી તો તેણે બસ અટકાવી અને ખાલી કરાવી. ત્યારબાદ બસને ફેરવીને બાળકને નજીકની હોસ્પિટલમાં લઇ ગયા. કંડકટર અને ડ્રાઈવરે સવારે જે પણ રૂપિયા કમાયા હતા તે બધા બાળકને હોસ્પિટલમાં દાખલ કરાવવા માટે આપી દીધા. તે પણ એવા પરિવાર માટે જેને તેઓ ક્યારેય ઓળખતા પણ નહોતા. જનરલ મેનેજર લોકેશ ચંદ્રએ ડ્રાઈવર અને કંડકટરને તાત્કાલિક કાર્યવાહી માટે સન્માનિત કર્યા. તેમણે મીડિયાને જણાવ્યું કે તેમને પુરસ્કૃત કરવામાં આવશે. ઉલ્લેખનીય છે કે, તાનવી ગાવણકરની ફેસબુક પોસ્ટને અત્યાર સુધી 55 શેર અને લગભગ 300 લાઈક્સ મળી છે.

बेस्टचे महाव्यवस्थापक श्री लोकेश चंद्र यांनी बस मार्ग ३३ चे कार्यरत कर्मचारी श्री लोहार आणि श्री दाणे आपल्या कार्यालयात बोलावून विशेष सत्कार केला. #bestupdates pic.twitter.com/bLjU4fdUR2

— BEST Bus Transport (@myBESTBus) March 23, 2022