ભારતમાં ફૂટબોલને પ્રોત્સાહન આપવા માટે વર્ષ 2017માં મિશન ઇલેવન મિલિયન (Mission Eleven Million) નામના એક કાર્યક્રમની શરૂઆત કરવામાં આવી હતી. આ કાર્યક્રમની હકીકત 18 વર્ષની ફૂટબોલ ખેલાડી મેરી નાયડૂ (Marry Naidu) ની વર્તમાન સ્થિતિ રજૂ કરી રહી છે. મેરી નાયડૂને ખૂદ વડાપ્રધાન (PM Modi) સન્માનિત કરી ચૂક્યા છે, પરંતુ વર્તમાન સ્થિતિ એવી છે કે આ ખેલાડી ફૂટપાથ પર પરિવાર સાથે જિંદગી પસાર કરવા મજબૂર છે.
મિશન ઇલેવન મિલિયન કાર્યક્રમની બહાર આવી હકીકત
PM મોદીના હસ્તે સન્માનિત ફૂટબોલ ખેલાડી મેરી નાયડૂ ફૂટપાથ પર પસાર કરી રહી છે જિંદગી
ફૂટબોલ ખેલાડી મેરી નાયડૂ ફૂટપાથ પર પોતાના માતા-પિતા અને નાની બહેનોની સાથે રહે છે
મેરી નાયડૂ હાલ મુંબઇ (Mumbai)ના કિંગ સર્કલના એક ફૂટપાથ પર પોતાના માતા-પિતા અને નાની બહેનોની સાથે રહે છે. થોડાક દિવસો પહેલા તેઓ પાસેની જ એક ઝુપંડીમાં રહેતી હતી. જોકે, BMCએ તેને અનધિકૃત બતાવી તોડી દીધી. જેમા ના માત્ર મેરીના પુસ્તકો નષ્ઠ થઇ ગયા પરંતુ એ મેડલ અને સર્ટિફિકેટ પણ ગાયબ થઇ ગયા જે તેઓને પોતાની પ્રતિભાને કારણ મળ્યા હતા.
ફૂટપાથ પર જિંદગી પસાર કરવા છતા મેરી નાયડૂનો જુસ્સો અકબંધ છે. આટલી સમસ્યાઓથી ઘેરાયા બાદ પણ મેરી માત્ર દેશ માટે રમવાનું સપનું પૂર્ણ કરવા માંગે છે. મેરી કહે છે કે, છોકરીઓની ટીમ ફૂટબોલમાં ઘણી પાછળ છે, મારું સપનું છે કે, હું આપણા દેશ માટે રમું અને ટીમને આગળ લઇ જઇ શકું. મેરીની ઇચ્છા છે કે, તેની જેમ તેની બંને બહેનો પણ દેશ માટે રમે અને ભારતનું નામ રોશન કરે.
વર્ષ 2017માં પીએમ નરેન્દ્ર મોદીએ મિશન ઇલેવન મિલિયન કાર્યક્રમ હેઠળ દેશભરની 11 મહિલા ફૂટબોલરોને સન્માનિત કરી હતી. જેમાંથી એક મેરી નાયડૂ પણ હતી. મેરીના પિતા જણાવે છે કે, જ્યારે દિકરીને સન્માનિત કરવામાં આવી હતી ત્યારે પણ પરિવારની સ્થિતિ ઠીક નહોતી.
કોન્ટ્રાક્ટ કર્મચારી પિતા કહે છે કે, આ સન્માન બાદ તમામ નેતાઓએ વચન આપ્યા હતા, પરંતુ કોઇપણ નેતાએ વચન પૂર્ણ ન કર્યા. નોંધનીય છે કે, મેરીની બંને બહેનો પણ ખેલાડી છે, જોકે, બેડમિન્ટન અને હોકી રમે છે અને ત્રણેય બહેનો દેશના તિરંગાનું સન્માન વધારવાનું સપનું જોઇ રહી છે.