મુંબઈ / એન્ટીલિયા કેસમાં વધુ એક કાર, NIAને મળી મર્સિડીઝ, PPE કિટવાળા વ્યક્તિનો પણ ખુલાસો

• એન્ટીલિયા કેસમાં વધુ એક કાર મળી
• સ્કૉર્પિયો કારની અસલી નંબર પ્લેટ મળી આવી
• ધુલે શહેરમાં મર્સિડીઝ કારનો માલિક

આ મર્સિડીઝ કાર NIAની ટીમે શોધી કાઢી છે. તે શંકાસ્પદ કારથી કેટલીક વધુ નંબર પ્લેટ પણ મળી છે. તે કાળી કાર મુંબઈ ક્રાઇમ બ્રાંચની ઑફિસ પાસે એક પાર્કિંગમાં પાર્ક હતી. જેને NIAએ કબજામાં લઇ લીધી છે.

એન્ટીલિયા મામલાની તપાસમાં લાગેલી NIA ટીમ પુરાવાઓની તપાસ કરી રહી છે. આ દરમિયાન NIAને બ્લેક મર્સિડીઝ કાર મળી આવી છે. જેને એક મહત્વનો પુરાવો માનવામાં આવી રહ્યો છે. બ્લેક મર્સિડીઝ કારની શોધખોળમાં જ સ્કૉર્પિયોની સાચી નંબર પ્લેટ પણ NIAના હાથ લાગી ગઇ છે.

PPE કિટવાળા વ્યક્તિનો પણ ખુલાસો

આ સિવાય પણ તે મર્સિડીઝ કારથી કેટલીક અન્ય નંબર પ્લેટ મળી આવી છે. સાથે જ 5 લાખ 75000 રૂપિયા અને પેટ્રોલ ડીઝલ પણ મળી આવ્યા છે. માહિતી અનુસાર, એક જગ્યા બહાર સચિન વાજે ઢીલા કુર્તામાં દેખાય છે, જે પીપીઈ કિટની જેમ દેખાય છે. કારમાં રાખેલા ઈંધણથી તે કુર્તુ સળગાવવામાં આવ્યું હતું.

ધુલે શહેરમાં મર્સિડીઝ કારનો માલિક

માહિતી અનુસાર, API સચિન વાજે કાર ચલાવતો હતો. જેનો નંબર MH 9095 છે. આ બ્લેક મર્સિડીઝ કારનો માલિક ધુલે શહેરમાં રહે છે. મર્સિડીઝ કાર માલિકે થોડા દિવસ પહેલા જ આ કાર કોઇ બીજાને વેચવાનો દાવો કર્યો છે. આ વચ્ચે કારના પહેલા માલિક સારાંશ ભાવસાર આજે બુધવારે પ્રેસ કોન્ફરન્સ દ્વારા આનો ખુલાસો કરશે.