દિલ્હી-મુંબઈમાં હાઈએલર્ટ 20થી વધુ આતંકીઓ દેશમાં ઘૂસ્યા હોવાની આશંકાઃ સુરક્�

નવી દિલ્હી: પાકિસ્તાન દિલ્હી અને મુંબઈમાં આતંકવાદી હુમલા કરાવવાની ફિરાકમાં હોવાની ગુપ્તચર એજન્સીઓને 20-21 આતંકીઓ ભારતમાં હુમલો કરવા ઘૂસી ગયા હોવાની બાતમી મળતાં આ બંને શહેરમાં એલર્ટ જાહેર કરી દેવામાં આવ્યું છે. આ ઉપરાંત રાજસ્થાન પંજાબના બોર્ડર વિસ્તારમાં સલામતી ચુસ્ત કરી દેવામાં આવી છે. એવી આશંકા છે કે આતંકી સંગઠન લશ્કર-એ-તોઇબા ભારતમાં ફરીવાર આતંક મચાવવા તૈયારી કરી રહ્યું છે. ઇન્ટેલિજન્સ રિપોર્ટ પ્રમાણે ભારતમાં માન્ચેસ્ટર પેટર્ન મુજબ હુમલો થઈ શકે છે.

સુરક્ષા એજન્સીઓએ જણાવ્યું છે કે લશ્કરના 20-21 આતંકીઓએ પાકિસ્તાનથી ભારતમાં ઘૂસણખોરી કરી છે. ભારતમાં પ્રવેશ્યા બાદ તેઓ એક નાના ગ્રૂપમાં વહેચાઈ ગયાં છે. ગુપ્તચર એજન્સીઓએ જણાવ્યું છે કે એવી બાતમી મળી છે કે આ તમામ લોકોને પાકિસ્તાનની ગુપ્તચર એજન્સીઓએ તાલીમ આપી છે. તેથી પોલીસે આ બાબતે સુરક્ષા વ્યવસ્થા વધુ કડક બનાવવા આદેશ આપ્યો છે તેમજ દિલ્હી મુંબઈ તેમજ અન્ય શહેરોની સુરક્ષા વ્યવસ્થામાં વધારો કરી દેવામાં આવ્યો છે. જેમાં આ શહેરોનાં મેટ્રો સ્ટેશન હોટલ ટૂરિસ્ટ સ્થળો રેલવે સ્ટેશન તેમજ અન્ય જાહેર સ્થળોએ શંકાસ્પદ અવરજવર કરતા લોકો પર ખાસ વોચ રાખવા આદેશ આપવામાં આવ્યો છે. એવી પણ આશંકા છે કે આતંકીઓ રાજસ્થાન કે પંજાબ પર પણ હુમલો કરવાની ફિરાકમાં છે.