ખુશખબર / અમદાવાદથી મુંબઇ માત્ર 6 કલાકમાં જ પહોંચી શકાશે, જાણો આ ટ્રેન વિશે

• અમદાવાદ મુંબઈ વચ્ચે દોડનારી તેજસ ટ્રેનની ટ્રાયલ પૂર્ણ
• 17 તારીખે ઉદ્ધાટન, 19 જાન્યુઆરીએ થશે નિયમિત 
• માત્ર 6 કલાકમાં પહોંચાશે મુંબઇ 

ભારતીય રેલવેમાં ખાનગીકરણ  અંતર્ગત દેશનીઆ  બીજી ખાનગી  ટ્રેન ‘તેજસ એક્સપ્રેસ’ અમદાવાદ-મુંબઈ વચ્ચે 17 જાનયુઆરી શરૂ થવા જઈ રહી છે. આઇઆરટીસી દ્વારા પ્રવાસી બુકિંગ કરી શકે છે.

‘તેજસ એક્સપ્રેસ’ ટ્રેન અમદાવાદથી સવારે 6.40 વાગ્યે

‘તેજસ એક્સપ્રેસ’ ટ્રેન અમદાવાદથી સવારે 6.40 વાગ્યે સવારે ઉપડશે અને મુંબઈ સેન્ટ્રલ 1.10 વાગ્યે બપોરે પહોંચશે. જ્યારે મુંબઈ સેન્ટ્રલથી 3.40 વાગ્યે બપોરે ઉપડશે અને અમદાવાદ 9.55 વાગ્યે સાંજે પહોંચશે. અંદાજે 6 કલાકમાં તેજસ એક્સપ્રેસ મુંબઈથી અમદાવાદ પહોંચશે. આ ટ્રેનની સ્પીડ પ્રતિ કલાક 160 કિ.મી.ની રહેશે.

આ ટ્રેન લક્ઝુરિય સુવિધાઓ ધરાવે છે 

‘તેજસ એક્સપ્રેસ’માં કુલ 10 કોચ રહેશે જેમાં 9 એસી ચેર કાર કોચ અને 1 એક્ઝિક્યૂટિવ કોચ રહેશે. આ ટ્રેન લક્ઝુરિય સુવિધાઓ આપવામાં આવશે. તેજસ એક્સપ્રેસમાં મુસાફરી દરમિયાન પેસેન્જરોને નાસ્તા અને ભોજન પણ આપવામાં આવશે જેનો ભાડામાં સમાવેશ કરવામાં આવશે.

એક્ઝિક્યૂટિવ કોચમાં મુકાઇ એલઈડી સ્ક્રીન

એક્ઝિક્યૂટિવ કોચની તમામ 56 સીટો પર એલઈડી સ્ક્રીન મૂકાઈ છે. આ સાથે ઓટો સેન્સર ડસ્ટબિન, સીસીટીવી, ફાયર સેફ્ટીની સુવિધા પણ અપાઈ છે. ટ્રેનમાં વૃદ્ધો કે બાળકોને ઠંડી લાગે તો તેમને ચાદર પણ આપવામાં આવશે. ઓનબોર્ડ શોપિંગની પણ સુવિધા મળશે. 

ચા-કોફી અને પાણીનો કોઈ ચાર્જ લેવાશે નહીં 

આ સાથે ચા-કોફી અને પાણીનો કોઈ ચાર્જ લેવામાં આવશે નહીં. આઈઆરટીસી વેબસાઈટ અને આઈઆરસીટીની એપ્લિકેશન દ્વારા બુકિંગ થઇ શકાશે . હાલમાં  પ્રાયોગિક ધોરણે રેલવે સ્ટેશન પર આ ટ્રેન માટે અલગથી કાઉન્ટર મૂકવામાં આવ્યું છે . મુસાફરના ઘરેથી સામાન લઈ જઈ જે જગ્યા પર તમે જઈ રહ્યા છો તે જગ્યા સુધી સામાન પહોંચાડવાની સુવિધા પણપ્રવાસીને આપવામાં આવશે