મહારાષ્ટ્ર / બુલેટ ટ્રેન PM મોદીનો ડ્રીમ પ્રોજેક્ટ? ઉદ્ધવ ઠાકરેએ કેન્દ્ર સરકાર પર કર્યા પ્રહાર

• ઉદ્ધવ ઠાકરેએ કેન્દ્ર સરકાર પર કર્યા પ્રહાર
• CM ઠાકરેએ કહ્યું, બુલેટ ટ્રેન અમારું સપનું નથી
• બુલેટ ટ્રેન અંગે પ્રજા સમક્ષ જઇ અભિપ્રાય લેઇશું

ઉદ્ધવ ઠાકરેએ કહ્યું કે વિકાસનો રોડમેપ તૈયાર છે. હવે એકપણ ઉદ્યોગ બહાર નહીં જાય અને રોજગારની પણ તક વધશે. બુલેટ ટ્રેન મહારાષ્ટ્ર આવશે કે નહીં તેને લઇ ઉદ્ધવ ઠાકરેએ કહ્યું કે સરકારનું કામ વિકાસ કરવાનું છે. કેટલીક પરિયોજનાને મે સ્થગિત કરી છે.
 

જો કે આર્થિક પરિસ્થિતિઓને જોતા રાજ્યના વિકાસની પ્રાથમિકતા નક્કી કરવી જોઇએ. ત્યારે બુલેટ ટ્રેન વિશે પણ મને એવું લાગે છે કે આ પ્રોજેક્ટને લઇ વિચાર કરવો જોઇએ. બુલેટ ટ્રેનથી શું લાભ થશે. કેટલાને ઉદ્યોગ અને ધંધામાં ફાયદો થશે. આ ઉપરાંત જનતાને પણ પૂછીશું ત્યાર બાદ નક્કી કરીશું.
 

જ્યારે ઉદ્ધવ ઠાકરેને પૂછવામાં આવ્યું કે આ પ્રધાનમંત્રી મોદીનો ડ્રીમ પ્રોજેક્ટ છે તો તેમણે કહ્યું કે હશે, ઠીક છે, પરંતુ આ ડ્રીમ પ્રોજેક્ટ જો થશે તો પણ ઉંઘ ઉડશે ત્યારે વાસ્તવિક સ્થિતિ સામે હોય છે, સપના હોતા નથી.