મોબાઈલ બ્લાસ્ટ થવાની અનેક ઘટનાઓ અંગે તમે સાંભળ્યું હશે. પરંતુ શું તમે મોબાઈલ બ્લાસ્ટના લાઈવ દ્રશ્યો ક્યારેય જોયા છે? ત્યારે આવો અમે તમને બતાવીએ મોબાઈલ બ્લાસ્ટના લાઈવ દ્રશ્યો.
આ ઘટના છે મુંબઈના ભાંડુપની. જ્યાં એક મોબાઈલ બ્લાસ્ટની ઘટના CCTV કેમેરામાં કેદ થઈ ગઈ છે ભાંડુપ રેલવે સ્ટેશન નજીકના બગીચા રેસ્ટોરેન્ટમાં બપોરના સમયે લોકો લંચ લઈ રહ્યા હતા. તેવામાં ત્યાં બેઠેલા એક વ્યક્તિના શર્ટના ખીસ્સામાંથી ધુમાડો નીકળવા લાગ્યો હતો.
અચાનક ધુમાડો નીકળતા જોઈ આસપાસના લોકો ગભરાઈ ગયા હતા અને આમ તેમ ભાગવા લાગ્યા હતા જે વ્યક્તિના શર્ટના ખીસ્સામાંથી ધુમાડો નીકળી રહ્યો હતો. તે વ્યક્તિએ જેમ તેમ કરીને મોબાઈલ ફેંકી દીધો હતો અને ત્યારબાદ શર્ટ પણ ફેકી દીધું હતું.
જે વ્યક્તિએ પોતાના શર્ટના ખિસ્સામાં મોબાઈલ રાખ્યો હતો. તે મોબાઈલની બેટરી ગરમ થઈ જતા અચાનક આગ લાગી ગઈ હતી. આ ઘટનામાં મોબાઈલ ધારક હાથના ભાગે દાઝ્યો હતો. જેથી તેને નજીકના હોસ્પિટલમાં સારવાર આપવામાં આવી હતી. જોકે મોબાઈલ કઈ કંપનીનો હતો તે અંગે કોઈ વિગતો મળી નથી.