અમેરિકાના વોશિંગ્ટનની સડકો પર ફાયરિંગની ઘટના બની હતી. સ્થાનિક મીડિયા અનુસાર આ ઘટનામાં 1 વ્યક્તિનું મોત થયું છે જયારે 5 લોકો ઘાયલ થયા છે. જે જગ્યાએ ગોળીબાર કરવામાં આવ્યો તે જગ્યા વ્હાઈટ હાઉસથી 3 કિમી દૂર છે. આ ફાયરિંગનો અવાજ વોશિંગ્ટનની ગલીઓમાં સાંભળવા મળ્યો હતો.
વોશિંગ્ટનની સડકો પર થયું ફાયરિંગ
ફાયરિંગમાં 1 વ્યક્તિનું થયું મોત
પોલીસના અનુસાર હાલ 5 લોકોની હાલત ગંભીર
અમેરિકાની રાજધાની વોશિંગ્ટનમાં ગઈકાલે રાત્રે 10 વાગ્યાની આસપાસ ફાયરિંગની ઘટના બની હતી. પોલીસના અનુસાર ફાયરિંગની આ ઘટનામાં 6 લોકોને ગોળી વાગી હતી. ઘટના ગુરુવારે રાતે 10 વાગ્યાની આસપાસ બની હતી. પીડિતોની હાલત અંગે હાલમાં કોઈ જાણકારી નથી. ઘાયલોને એમ્બ્યુલન્સમાં લઈ જવામાં આવ્યા હતા. ઘાયલોમાં 1 વ્યક્તિનું મોત નીપજ્યું હતું. અને અન્ય 5 લોકો ગંભીર રીતે ઘાયલ થયા હતા. ફાયરિંગની આ ઘટના કયા કારણોસર બની તેની કોઈ માહિતિ હાલ સુધી મળી નથી.
ઘટનાની જાણ થતાં જ પોલીસ સ્થળ પર પહોંચી હતી અને તે વિસ્તારને સંપૂર્ણ રીતે બંધ કરી દેવામાં આવ્યો હતો. જે જગ્યાએ ગોળીબાર કરવામાં આવ્યો તે જગ્યા વ્હાઈટ હાઉસથી 3 કિમી દૂર છે. અહીં રાષ્ટ્રપતિ ડોનાલ્ડ ટ્રંપ રહે છે. પોલીસે કન્ફર્મ કર્યું કે આ ઘટના વોશિંગ્ટનના નોર્થ વેસ્ટમાં કોલંબિયા રોડ પર બની હતી.