અમેરિકાના કેલિફોર્નિયામાં ભીડ પર ફાયરિંગનો મામલો સામે આવ્યો છે. રવિવારે મોડી રાતે કેલિફોર્નિયાના ગિલરોયમાં ગિલરોય ગાર્લિક ફેસ્ટિવલ દરમિયાન કરવામાં આવેલા ફાયરિંગમાં અંદાજે 12 લોકોથી વધુ લોકો ઇજાગ્રસ્ત થયા છે. જો કે હજુ સુધી પોલીસ તરફથી કોઇ સત્તાવાર જાણકારી કે નિવેદન બહાર પાડવામાં આવ્યું નથી.
જો કે હજુ સુધી કોઇ જાણકારી પ્રાપ્ત થઇ નથી કે આ ફાયરિંગમાં કેટલા લોકોને નુકસાન થયું છે. ફાયરિંગની ઘટના બાદ પોલીસ અધિકારીઓની ટીમ ઘટનાસ્થળે પહોંચી ગઇ હતી. પોલીસે ચારે બાજુએથી ઘેરી લઇને સર્ચ ઓપરેશન શરૂ કર્યું હતું.
જો કે ઘટનાસ્થળે હાજર રહેલા લોકોના જણાવ્યા અનુસાર અહીં ઘણા રાઉન્ડ ફાયરિંગ સાંભળવામાં આવ્યું હતું અને આ ફાયરિંગમાં ઘણા લોકો ઇજાગ્રસ્ત થયા હોવાની આશંકા છે. લોકોના જણાવ્યા અનુસાર હુમલાખોર પિસ્તોલ સાથે હતો અને સેનાનો ડ્રેસ પહેર્યો હતો.
જો કે નજીકના લોકોને પહેલા ફટાકડાં ફુટવા જેવો અવાજ સંભાળ્યો હતો. જો કે થોડા સમય બાદ ખબર પડી કે પ્રસિધ્ધ ગાર્લિક ફેસ્ટિવલના કાર્યક્રમ દરમિયાન ફાયરિંગ થયું છે. ઇજાગ્રસ્તોને એમ્બ્યૂલન્સમાં નજીકની હોસ્પિટલમાં સારવાર માટે ખસેડવામાં આવ્યાં છે.
ઉલ્લેખનીય છે કે 26 જૂલાઇના રોજ લોસ એન્જેલિસમાં એક બંદૂકદારી શખ્સે ત્રણ લોકોની હત્યા કરી હતી અને અન્ય બે લોકોને ઘાયલ કર્યાં હતા. જો કે ત્યારબાદ તેની ધરપકડ કરવામાં આવી હતી. લોસ એન્જેલિસ પોલીસ ડિપાર્ટમેન્ટે આ અંગેની પુષ્ટી કરી હતી.
Shooting reported at the annual Gilroy Garlic Festival in California; number of victims remains unclear: The Associated Press
હુમલાખોરે પોતાના પિત અને ભાઇની હત્યા કર્યા બાદ કૈનોગા પાર્કમાં પોતાની માતાને ઘાયલ કરી હોવાની આશંકા છે. આ સાથે જ તેણે ગેસ સ્ટેશન પર એક મહિલાની ગોળી મારી હત્યા કરી દીધી અને નોર્થ હોલીવૂડમાં એક બેન્ક બહાર એક વ્યકિતને લૂંટવાનો પ્રયત્ન કરતાં તેને ઘાયલ કરી દીધો હતો.