બમ્પર રિટર્ન / રોકાણકારો માલામાલ: એક જ વર્ષમાં 1300% થી પણ વધારે રિટર્ન, આ કયો શેર છે ભાઈ!

• નાના શેર રોકાણકારોને બમ્પર રિટર્ન આપે છે
• શેર એ ગયા વર્ષે તેના રોકાણકારોને 1,300 ટકા વધુ રિટર્ન આપ્યું હતું.
• હજુ પણ આ શેરમાં લગાતાર તેજી આવી રહી છે.

શેર બજારમાં ઘણી વખત એક નાના શેર રોકાણકારોને બમ્પર રિટર્ન આપે છે. એટલા માટે જ રોકાણકારો વધુ રિટર્નની લાલચે વધુને વધુ શેર બજારમાં રોકાણ કરે છે. ઘણા એવા નાના શેર છે જે પ્રખ્યાત કંપનીઓના શેર કરતાં કેટલાય ગણા વધુ રિટર્ન આપીને રોકાણકારોને નફો કમાઈ આપે છે. રોકાણકારોને નફો કમાઈને આપનાર એક એવો જ શેર છે કોટયાર્ક ઇન્ડસ્ટ્રીઝ (Kotyark Industries). આ કંપનીના શેરે ગયા વર્ષે તેના રોકાણકારોને 1,300 ટકા વધુ રિટર્ન આપ્યું હતું. કોટયાર્ક ઇન્ડસ્ટ્રીઝ (Kotyark Industries) બાયોડીઝલ અને તેની સાથે સંબંધિત ઉત્પાદકોનું ઉત્પાદન કરે છે. છેલ્લા એક મહિનાની વાત કરીએ તો આ શેરમાં 146 ટકાનો વધારો થયો છે. કોટયાર્ક ઇન્ડસ્ટ્રીઝ (Kotyark Industries) એ તાજેતરમાં તેના ત્રિમાસિક પરિણામો જાહેર કર્યા હતા. બુધવારે આ શેર નેશનલ સ્ટોક એક્સચેન્જ (NSE) પર શેર 717.85 રૂપિયા પર બંધ થયો હતો.

અપર સર્કિટ
બુધવારના દિવસે પણ ટ્રેડિંગ સેશનમાં કોટયાર્ક ઇન્ડસ્ટ્રીઝ (Kotyark Industries)ના શેર એ જબરદસ્ત છલાંગ લગાવી હતી. એ સમય દરમિયાન કંપનીનો શેર 10 ટકાના તેના અપર સર્કિટ સુધી પંહોચી ગયો હતો. આ શેરમાં લગાતાર તેજી આવી રહી છે. પરિણામે અત્યાર સુધીના સૌથી ઊંચા સ્તર પર આ શેર પંહોચી ગયો છે. 

એક મહિનામાં 146 ટકા રિટર્ન 
પ્રેફરન્શિયલ એલોકેશનની જાહેરાત બાદ શેરમાં ભારે ખરીદીનો તબક્કો શરૂ થયો છે. જેમાં 4,59,400 ઇક્વિટી શેર રાખવામાં આવ્યા છે. આ માટે કંપનીએ 450 રૂપિયા પ્રતિ શેરના ભાવને મંજૂરી આપી છે. કોટયાર્ક ઇન્ડસ્ટ્રીઝ (Kotyark Industries)ના શેરમાં એક મહિનામાં 146 ટકાનો વધારો થયો છે. સાથે જ તમને જણાવી દઈએ કે આ શેર એક વર્ષમાં 1,300 ટકાથી વધુ ઉપર ઉછળ્યો છે.

શાનદાર રિટર્ન 
આ વર્ષની વાત કરીએ તો માર્ચ 2021ના અંત સુધી કોટયાર્ક ઇન્ડસ્ટ્રીઝ (Kotyark Industries)ના શેરમાં નફો 726.70 ટકા જેટલો વધ્યો હતો અને ધીરે ધીરે શેરની ખરીદી વેચાણમાં વધારો થતાં 139.31 ટકા વધુ વધ્યો હતો. ગયા વર્ષે કુલ  1,300 ટકાથી પણ વધુ રિટર્ન આપ્યું હતું.